މި ދެ ކުންފުނީގެ އެންމެ އިސް މަގާމަށް ބަދަލު ގެނެސްފައިވަނީ، އެޗްޑީސީގެ އެމްޑީގެ މަގާމުގައި ހުންނެވި މުހައްމަދު މައުރޫފް ޖަމީލް މިއަދު އިސްތިއުފާ ދެއްވުމާ ގުޅިގެންނެވެ.
ރޯޑުޑިވެލޮޕްމަންޓް ކޯޕަރޭޝަން (އާރުޑީސީ)ގެ މެނޭޖިން ޑިރެކްޓަރަކަށް ހުންނެވި އަލީ ޒުހައިރު، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރަށް އައްޔަނުކޮށްފި އެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ން މިއަދު ވަކިވަކިން ކުރި އިއުލާނެއްގައި ބުނީ، ޒުހައިރު އާރުޑީސީން ވަކިކޮށް، އެޗްޑީސީގެ އެމްޑީގެ މަގާމަށް އައްޔަނުކޮށްފައިވާ ކަމަށެވެ.
އަދި ޒުހައިރުގެ ބަދަލުގައި އާރުޑީސީގެ އެމްޑީޕީގެ މަގާމަށް، ކޮންސްޓްރަކްޝަން މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުންނެވި، އިބްރާހިމް ނަޒީމް އައްޔަނުކޮށްފައިވާ ކަމަށެވެ.
މި ދެ ކުންފުނީގެ އެންމެ އިސް މަގާމަށް ބަދަލު ގެނެސްފައިވަނީ، އެޗްޑީސީގެ އެމްޑީގެ މަގާމުގައި ހުންނެވި މުހައްމަދު މައުރޫފް ޖަމީލް މިއަދު އިސްތިއުފާ ދެއްވުމާ ގުޅިގެންނެވެ.
މައުރޫފު ރިޓަޔާ ކުރައްވާ ގޮތަށް ކުރިން ނިންމަވާފައި އޮތީ އަންނަ މަހުގެ 18 ވަނަ ދުވަހެވެ.