މައުރޫފް މިއަދު މަގާމުން އިސްތިއުފާ ދެއްވާފައި މިވަނީ އަންނަ މަހު 18 އިން ފެށިގެން ރިޓަޔާ ކުރައްވާ ގޮތަށް ނިންމަވާފައި ވަނިކޮށެވެ.
ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރުގެ ކަމުގެ މަގާމުން މައުރޫފް ޖަމީލް އިސްތިއުފާ ދެއްވައިފި އެވެ.
މައުރޫފް މިއަދު މަގާމުން އިސްތިއުފާ ދެއްވާފައި މިވަނީ އަންނަ މަހު 18 އިން ފެށިގެން ރިޓަޔާ ކުރައްވާ ގޮތަށް ނިންމަވާފައި ވަނިކޮށެވެ. ރިޓަޔާ ނުކުރައްވައި އިސްތިއުފާ ދެއްވީ، އެނގިފައިވާ ގޮތުގައި ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ން އެގޮތަށް އެންގުމުންނެވެ.
މައުރޫފަށް އެމްޑީގެ މަގާމު ސަރުކާރުން ހުށަހެޅީ ވެސް އޭނާ ސެމީރިޓަޔަމެންޓެއްގައި ހުންނަވަނިކޮށެވެ. މައުރޫފް އެމަގާމަށް އައްޔަނު ކުރީ މިދިޔަ 22 ޑިސެމްބަރުގަ އެވެ.
އެމްޑީގެ މަގާމުން ރިޓަޔާ ކުރަން ނިންމެވުމަށްފަހު މައުރޫފް ވިދާޅުވެފައި ވަނީ ރިޓަޔާ ކުރެއްވިޔަސް އެކުންފުނީގެ އެޑްވައިޒަރެއްގެ މަގާމު އަދާކުރެއްވުމުގެ ވިސްނުން ގެންގުޅުއްވާ ކަމަށެވެ.
މައުރޫފަކީ އާކިޓެކްޓެކެވެ. އަދި އާބަން ޕްލޭނަރެެވެ. އެ ދާއިރާއިން ވަރަށް ގިނަ މަސައްކަތް ކުރެއްވި ބޭފުޅެކެވެ. އޭނާވަނީ ރައީސް މައުމޫން އަބްދުލް ގައްޔޫމުގެ ދުވަސްވަރު ކޮންސްޓްރަކްޝަން މިނިސްޓަރުގެ މަގާމު އަދާކުރައްވާފަ އެވެ. އޭރު ހުޅުމާލެ ހިއްކައި އެތަން ތަރައްގީ ކުރުމުގައި އޭނާ ވަނީ ވަރަށް އިސް ދައުރެއް އަދާކުރެއްވީވެސް މައުރޫފެވެ.