އެމްޕީއެލް މުވައްޒަފުން ހޭލާ ތިބެގެން ޕެރިޝަބަލް ބޯޓުތައް ހުސްކޮށްފި
އެމްޕީއެލް އިން ވަނީ ތިން ބޯޓަކުން ވަނީ މުދާ ބާލައި ހުސްކޮށްފަ އެވެ. އޭގެ ތެރޭގައި 4720 ބަސްތާ ފިޔާ ހިމެނެ އެވެ.
ބާޒާރުން މަދުވެފައިވާ ފިޔާ، އަލުވި އަދި ބިހުގެ ބޯޓުތައް ހުސްކުރަން މޯލްޑިވްސް ޕޯޓްސް ލިމިޓެޑް (އެމްޕީއެލް) މުވައްޒަފުން ރޭ ހޭލާ ތިބެގެން ޕެރިޝަބަލް ހުރީ ބޯޓުތަކެއް ހުސްކޮށްފި އެވެ.
އެމްޕީއެލް އިން ބުނީ މޫސުން ގޯސްވުމުގެ ސަބަބުން ޕެރިޝަބަލް މުދާ ބޭލުމުގައި ދަތިތަކެއް ކުރިމަތިވި ނަމަވެސް، އެމްޕީއެލްގެ ކާގޯ އޮޕަރޭޝަންސްއިން އިއްޔެ އާއި ރޭ ކުރި މަސައްކަތުން ތިން ބޯޓަކުން ވަނީ މުދާ ބާލައި ހުސްކޮށްފައިވާ ކަމަށެވެ. އޭގެ ތެރޭގައި 4720 ބަސްތާ ފިޔާ ހިމެނެ އެވެ.
އެ ކުންފުނިން ބުނީ މާލޭ ވިޔަފާރި ބަނދަރަށް އިއްޔެ އަައި ބޯޓުން މުދާ ބޭލުމުގެ މަސައްކަތް މޫސުން ތަންދޭ މިންވަރަކުން މިއަދު ކުރިއަށް ގެންދާނެ އެވެ. އަދި މި ބޯޓުން ގެނައި ޕެރިޝަބަލްސްގެ ތެރޭގައި 3840 ބަސްތާ ފިޔާ ހިމެނެ އެވެ.
ބާޒާރުގައި ޕެރިސަބަލް މުދާ މަދުވެފައިވަނީ މި ތަކެތި ގެނައުމަށް ހުރަސް އެޅުމުގެ ސަބަބުންނެވެ. މިކަން ދިމާމީ މޫސުން ގޯސްވެގެންނެވެ. އަދި ރާއްޖެ އައި ބޯޓު ފަހަރުން މުދާ ބާލަންވެސް ހުރަސް އެޅިފައިވެ އެވެ.
ކޮމެންޓް
ކޮން އިރެއްގަ ނިދާފަ ތިބެ ބޯޓް ހުސްކުރީ
Republic of Maldives