އޮފީސްތަކުން ލަފާކުރާ ބަޖެޓް އަންނަ މަހުގެ 28 ގެ ކުރިން ފޮނުވަން އެދެފި

ބޭސްލައިން ބަޖެޓަކީ އޮފީސް ތަކުން މިހާރު ކުރިއަށް ގެންދާ ނުވަތަ ހިނގަމުންދާ ހަރަކާތްތަކާއި މަޝްރޫއު ތަކަށް ހިނގާނެކަމަށް ލަފާކުރެވޭ ހަރަދުތަކުގެ މައްޗަށް އެކުލަވާލެވޭ ބަޖެޓެވެ.

ދައުލަތުގެ ބަޖެޓް ފޮތް

އަންނަ އަހަރާއި 2027 ވަނަ އަހަރުގެ ބަޖެޓް ތައްޔާރު ކުރުމުގެ ގޮތުން، މިހާރު އޮފީސް ތަކުން ކުރިއަށް ގެންދާ މަސައްކަތްތަކަށް ހިނގާނެ ކަމަށް ލަފާކުރާ ހަރަދުގެ "ބޭސްލައިން ބަޖެޓު" އަންނަ މަހުގެ 28 ގެކކުރިން ފިނޭންސް މިނިސްޓްރީ އަށް ފޮނުވަން އެދިއްޖެ އެވެ.

ފިނޭންސް މިނިސްޓަރު މޫސާ ޒަމީރު ސޮއިކުރައްވައި ދައުލަތުގެ ހުރިހާ ވުޒާރާތަކަށް ފޮނުވާފައިވާ ސާކިއުލާއެއްގައި ބުނެފައިވާ ގޮތުގައި ދައުލަތުގެ މާލިއްޔާ ގާނޫނުގެ ހަތަރުވަނަ ބާބުގައިވާ ގޮތުން ފިނޭންސުން ދައުލަތުގެ އަހަރީ ބަޖެޓު ތައްޔާރުކޮށް އެކުލަވާލައި މާލީ އަހަރުގެ ދެ މަސް ކުރިން ރައްޔިތުން މަޖިލީހަށް ހުށަހަޅަން ޖެހޭ ކަމަށާ "ބޭސްލައިން ބަޖެޓުގެ" މައުލޫމާތު ހޯދަން ޖެހެނީ އެހެންވެގެންނެވެ. 

ބޭސްލައިން ބަޖެޓަކީ - ބޭސްލައިން ބަޖެޓަކީ އޮފީސް ތަކުން މިހާރު ކުރިއަށް ގެންދާ ނުވަތަ ހިނގަމުންދާ ހަރަކާތްތަކާއި މަޝްރޫއު ތަކަށް ހިނގާނެކަމަށް ލަފާކުރެވޭ ހަރަދުތަކުގެ މައްޗަށް އެކުލަވާލެވޭ ބަޖެޓެވެ. ނަމަވެސް ބޭސްލައިން ބަޖެޓުގައި އަލަށް ފެށުމަށް ރާވާ ހަރަކާތްތަކާއި އާ މަޝްރޫއުތައް ނުވަތަ އިތުރަށް ނަގަން ގަސްތު ކުރާ މުވައްޒަފުންނަށް ބޭނުންވާ އަދަދެއް ނުހިމެނޭނެ އެވެ.

ފިނޭންސް މިނިސްޓްރީން ބުނީ ބޭސްލައިން ބަޖެޓު ހުށަހަޅަން ވާނީ 2026 އަދި 2027 ގެ ބަޖެޓު ތައްޔާރު ކުރާއިރު އެސްއޭޕީބީސީ މޮޑެލް މެދުވެރިކޮށެވެ. އަދި ބޭސްލައިން ބަޖެޓާއެކު އިތުރު މައުލޫމާތުގެ ގޮތުގައި އިދާރާގައިގެ މުސާރައިގެ ބަޖެޓުގެ ތަފުސީލާއި އިދާރާގެ ހަރަދުގެ ކޮސްޓިން ތަފުސީލާއި އޮފީސް ބަޖެޓުގެ ސްޓޭޓްމަންޓް ފިނޭންސަށް އީމެއިލް މެދުވެރިކޮށް ހުށަހަޅަން އެދިފައިވެ އެވެ. 

ބަޖެޓް 2025 - މި އަހަރަށް ފާސްކުރީ 56.6 ބިލިއަން ރުފިޔާގެ ބަޖެޓެކެވެ. މި ބަޖެޓުގައި ހިލޭ އެހީއާއި އާމްދަނީގެ ގޮތުގައި 39.7 ބިލިއަން ރުފިޔާ ލިބޭނެކަމަށް އަންދާޒާކޮށްފައިވެ އެވެ. އެއީ ހިލޭ އެހީގެ ގޮތުގައި ލިބޭނެކަމަށް އަންދާޒާކުރާ 2.5 ބިލިއަން ރުފިޔާއާއި، އާމްދަނީގެ ގޮތުގައި ލިބޭނެކަމަށް އަންދާޒާކުރާ 37.2 ބިލިއަން ރުފިޔާ އެވެ. ޖުމްލަ އާމްދަނީީއާއި ހިލޭ އެހީގެ ގޮތުގައި 39.7 ބިލިއަން ރުފިޔާ ލިބޭނެކަމަށް އަންދާޒާކުރާއިރު ދައުލަތުގެ ހަރަދުތަކަށް ހިނގާނެކަމަށް ލަފާކުރަނީ 49.2 ބިލިއަން ރުފިޔާ އެވެ. އެއިން 35.8 ބިލިއަން ރުފިޔާއަކީ ރިކަރަންޓު ހަރަދުތަކެވެ. އަދި ކެޕިޓަލް ހަރަދުގެ ގޮތުގައި 13.4 ބިލިއަން ރުފިޔާ ހަރަދުވާނެކަމަށް ލަފާކޮށްފައިވެ އެވެ. އެއިން 12.4 ބިލިއަން ރުފިޔާއަކީ ޕީއެސްއައިޕީ މަޝްރޫއުތަކަށް ހިނގާނެކަމަށް ބެލެވޭ ހަރަދެވެ. މި ޑެފިސިޓަކީ 9.4 ބިލިއަން ރުފިޔާ އެވެ. އަދި ދަރަނި އަދާކުރުމުގެ ހަރަދުތައް ނުހިމަނައި އާމްދަނީއާއި ހަރަދުގެ ފަރަގު ނުވަތަ ޕްރައިމަރީ ޑެފިސިޓުގެ ގޮތުގައި ލަފާކޮށްފައިވަނީ 3.9 ބިލިއަން ރުފިޔާ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.