އެސްޓީއޯ އިން ފިޔާ ޝިޕްމެންޓެއް އިންޑިއާއިން ގެންނަނީ

އެސްޓީއޯ އިން ބުނީ އެ މައްސަލަ ހައްލުކުރުމަށް އިންޑިއާއިން ސްޓޮކެއް ގެނެސް، ވީހާވެސް އަވަހަށް ބާޒާރަށް ނެރޭނެ ކަމަށެވެ.

އަތޮޅު ފިހާރައަކަށް މީހަކު ފިޔާބަސްތާއެއް ބޮލު ޖަހައިގެން ގެންދަނީ

މޫސުން ގޯސްވުމުގެ ސަބަބުން މުދާ ކްލިއާ ނުކުރެވި، ބާޒާރުން ފިޔާ ހުސްވަމުންދާތީ އިންޑިއާއިން ޝިޕްމެންޓެއް ގެންނަން އެސްޓީއޯ އިން ނިންމައިފި އެވެ.

ފިޔާ ލިބުން ދަތިވެ، ބާޒާރުގައި ފިޔާ ބަސްތާއެއްގެ އަގު އުޅެނީ 500 ރުފިޔާގަ އެވެ. އެހެންވެ، އެސްޓީއޯ އިން ބުނީ އެ މައްސަލަ ހައްލުކުރުމަށް އިންޑިއާއިން ސްޓޮކެއް ގެނެސް، ވީހާވެސް އަވަހަށް ބާޒާރަށް ނެރޭނެ ކަމަށެވެ.

ފިޔާ އެތެރެ ކުރާ ބޮޑެތި ވިޔަފާރިތަކުން އެއްކޮށް ފިޔާ ހުސްވި ނަމަވެސް، ކުދިކުދި ބައެއް ފިހާރަތަކުގައި ކޮންމެވެސް ވަރަކަށް ފިޔާ ލިބެން އެބަހުއްޓެވެ.

މޯލްޑިވްސް ޕޯސްޓް ލިމިޓެޑް (އެމްޕީއެލް) އިން މިއަދު ބުނީ މާލޭ ވިޔަފާރި ބަނދަރުގައި މިހާރުވެސް ޕެރިޝަބަލް މުދާ (އަވަހަށް ހަލާކުވާ ޒާތުގެ ކާބޯތަކެތި) ހިފައިގެން އައި ހަތަރު ބޯޓެއް އެބަައޮތް ކަމަށެވެ. އޭގެ ތެރެއިން އެއް ބޯޓު މިއަދު ބަނދަރު ކޮށްފައިވާއިރު، އެ ކުންފުނީގެ ކާގޯ އޮޕަރޭޝަންސްއިން އިއްޔެ އިން ފެށިގެން ތިން ބޯޓަށް ހިދުމަތް ދެމުން ކަމަށް ބުންޏެވެ.

"އެހެން ނަމަވެސް، ވިއްސާރައިގެ ސަބަބުން މުދާ ބޭލުމުގެ މަސައްކަތަށް ވަނީ ބުރޫއަރާފައި. މޫސުން ތަންދޭ މިންވަރަކުން، މި ކުންފުނީގެ ކާގޯ އޮޕަރޭޝަންސްއިން ދަނީ މުދާ ބޭލުމުގެ މަސައްކަތްތައް ވީހަވެސް އަވަހަކަށް ކުރިއަށް ގެންދިއުމަށް މަސައްކަތް ކުރަމުން،" އެމްޕީއެލް އިން ބުންޏެވެ.

ކާގޯ ކްލިއަރަންސްއިން މުދާ ކްލިއާ ކުރުމުގެ މަސައްކަތްތައް ވީހާވެސް އަވަސް ކޮށްދިނުމަށް މަސައްކަތް ކުރަމުންދާ ކަމަށް ވެސް އެމްޕީއެލް އިން ބުނެފައިވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.