ސާވާއަށް މައްސަލައެއް ދިމާވެ، ޓްރާންސްޕޯޓް މިނިސްޓްރީގެ ހިދުމަތްތައް މެދުކެނޑިފައި
މިނިސްޓްރީން މައުލޫމާތު ދިން ގޮތުގައި ސާވާއަށް މައްސަލަ ދިމާވީ އޭސީތައް އޯވާހީޓު ވެގެން ކަމަށެވެ. އެކަމުގެ ސަބަބުން ދިމާވެދާނެ ދައްޗަކަށް ވެސް މިނިސްޓްރީން ވަނީ މައާފަށް އެދިފަ އެވެ.
ސާވާއަށް ދިމާވި ޓެކްނިކަލް މައްސަލައެއްގެ ސަބަބުން އުމަރު ޒާހިރު އޮފީސް ބިލްޑިންގުގައި ހިންގާ ޓްރާންސްޕޯޓް މިނިސްޓްރީގެ ހިދުމަތްތައް މެދުކެނޑިއްޖެ އެވެ.
ޓްރާންސްޕޯޓް މިނިސްޓްރީން ބުނީ ސާވާއަށް ދިމާވި ޓެކްނިކަލް މައްސަލައެއް ދިމާވެފައިވާ ކަމަށާއި އެކަން ހައްލު ކުރުމަށް ޓެކްނިކަލް ޓީމުން ދަނީ މަސައްކަތް ކުރަމުން ކަމަށެވެ.
"މިވަގުތު އަޅުގަނޑުމެންގެ ޓެކްނިކަލް ޓީމުން މި މައްސަލަ ހައްލުކުރުމުގެ މަސައްކަތް ކުރިޔަށް ގެންދޭ. މި ދަތި ވަގުތުގައި ތިޔަ އެންމެހައި ބޭފުޅުން ދެއްވާ އެއްބާރުލެއްވުމާއި ކެތްތެރިކަމަށްޓަކައި އިހްލާސްތެރިކަމާއެކު ޝުކުރު ދަންނަވަން،" މިނިސްޓްރީން ބުންޏެވެ.
މިނިސްޓްރީން މައުލޫމާތު ދިން ގޮތުގައި ސާވާއަށް މައްސަލަ ދިމާވީ އޭސީތައް އޯވާހީޓު ވެގެން ކަމަށެވެ. އެކަމުގެ ސަބަބުން ދިމާވެދާނެ ދައްޗަކަށް ވެސް މިނިސްޓްރީން ވަނީ މައާފަށް އެދިފަ އެވެ.
އެތަނަކީ ޓްރާންސްޕޯޓް މިނިސްޓްރީގެ އިތުރުން ހަޔާ އެޑިއުކޭޝަނާއި ޖެންޑާ މިނިސްޓްރީ ވެސް ހިންގާ އިމާރާތެވެ.
ކޮމެންޓް
Republic of Maldives