ޓާމިނަލް ހުޅުވަން ބޭއްވި ހަވާ ދުނިޔޭގެ ރެކޯޑް ފޮތަށް

އެމްއޭސީއެލްއަށް ލިބުނީ އެންމެ ގިނަ ސަރަޙައްދުގައި އެއް ފަހަރާ ސިންކްރޮނައިޒްޑް ހަވާ އެރުމުގެ ރެކޯޑެވެ. މީގެ ކުރިން މި އެވޯޑު އޮތީ ދުބާއީގަ އެވެ.

ވެލާނާ އިންޓަނޭޝަނަލް އެއާޕޯޓް (ވީއައިއޭ) ހުޅުވުމާއި މިިނިވަން ދުވަސް ފާހަގަ ކުރަން ރޭ ބޭއްވި ހަވާއެރުވުމަށް ގިނިސް ބުކް އޮފް ވޯލްޑް ރެކޯޑް ފޮތުން ޖާގަ ލިބިއްޖެ އެވެ. 

ވީއައިއޭގައި ޑްރޯން ޝޯވްއަކާއެކު ރޭ ބޭއްވި ހަވާއެރުވުމަށް ދުނިޔޭގެ ރެކޯޑް ފޮތުން ޖާގަ ހޯދާފައިވަނީ އެއް ވަގުތެއްގައި އެންމެ ގިނަ ސަރަހައްދުތަކެއްގައި އެންމެ ގިނައިން ހަވާ އެރުވުގެ ދުނިޔޭގެ ރެކޯޑެވެ. 

އެއާޕޯޓުގައި މިއަދު ބޭއްވި ރަސްމިއްޔާތެއްގައި ގިނިސް ބުކް އޮފް ވޯލްޑް ރެކޯޑުގެ ޓީމުން ވަނީ މި ހާއްސަ ޝަރަފު މޯލްޑިވްސް އެއާޕޯޓް ކޮމްޕެނީ (އެމްއޭސީއެލް) އާ ހަވާލުކޮށްފަ އެވެ.

ގިނިސް ބުކްއޮފް ވޯލްޑް ރެކޯޑުފެ މި އެވޯޑާ އެމްއޭސީއެލްގެ ފަރާތުން ހަވާލުވީ ޗެއާޕާސަން ނޫރެއިން ޖަނާހު އާއި މެނޭޖިން ޑިރެކްޓަރު އިބްރާހިމް ޝަރީފު އެވެ. މި ރެކޯޑްގެ ލިޔުން ރާއްޖެއާ ހަވާލުކޮށްދެއްވީ އެޑްޖޫޑިކޭޓާ ފޯ ގިނިސް ވޯލްޑް ރެކޮޑްސް، އެމްބާލީ އިންކޯސީއެވެ.

ކުރިން މި ރެކޯޑް އޮތީ ދުބާއީގަ އެވެ. ދުނިޔޭގައި ހަވާ އެރުވުގެ ގިނަ ރެކޯޑް ތަކެއް ލިބިފައިވާ ދުބާއީއިން މި ރެކޯޑް ގާއިމްކޮށްފައިވަނީ 1، ޖެނުއަރީ 2014 ގައި އެވެ. 

އެމްއޭސީއެލް އިން ރޭ ބޭއްވި ހަވާއެރުވުން މާލެ ސަރަހައްދުގެ އެކި އޭރިއާތަކުގައި ކުރިއަށް ގެންގޮސްފައިވެ އެވެ. މިގޮތުން އެއްފަހަރާ އެއް ވަގުތެއްގައި 19 ސަރަހައްދެއްގައި މި ހަރަކާތް ބޭއްވި އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.