މޯލްޑިވިއަންގެ ހާއްސަ ފްލައިޓެއް | ކްރޫއިން މިއަދު އުދުހެނީ ދިވެހި ހެދުމުގައި
މި ފްލައިޓުގެ އަންހެން ކުރޫއިން ތިބީ ދިވެހި ދިގު ހެދުމުގަ އެވެ. އަދި ފިރިހެން ކްރޫއިން ލައިގެން ތިބީ މުއްޑާއި ހުދު ގަމީހެވެ. މިއީ ހާއްސަ ފްލައިޓެކެވެ.
ގައުމީ އެއާލައިންއަށް މިއަދު ހާއްސަ ނުވާންވީ ސަބަބެއް ނެތެވެ. ސަބަބަކީ 60 އަހަރަށްފަހު ހުޅުވި އާ އިންޓަނޭޝަނަލް ޓާމިނަލްއަށް ޖައްސާ ފުރަތަމަ ފްލައިޓް މިއަދު އޮތުމެވެ. މިކަން އިތުރަށް ހާއްސަވާ އަނެއް ސަބަބަކީ ރާއްޖޭގެ މިނިވަން ދުވަހާ ދިމާކޮށް މި ފްލައިޓް އޮތުމެވެ. އެހެންވެ މިއަދު ގައުމީ އެއާލައިންގެ ކްރޫއިން ތިބީ ހާއްސަ ދިވެހި، ގައުމީ ހެދުމެއްގަ އެވެ.
ގައުމީ އެއާލައިންއަށް ސިވިލް އޭވިއޭޝަނުން ދިން ހާއްސަ ހުއްދައެއްގެ ދަށުން މިއަދު މޯލްޑިވިއަންއިން މިހާރު ކޮޗިންއަށް ދިޔަ ފްލައިޓުގެ އަންހެން ކުރޫއިން ތިބީ ދިވެހި ދިގު ހެދުމުގަ އެވެ. އަދި ފިރިހެން ކްރޫއިން ލައިގެން ތިބީ މުއްޑާއި ހުދު ގަމީހެވެ. މިއީ ހާއްސަ ފްލައިޓެކެވެ.
މޯލްޑިވިއަން އިން މިއަދުގެ ވަގުތެއްގައި މި ފްލައިޓް ރާއްޖެ އައުމާއެކު ފަސިންޖަރުން ފައިބާނީ އާ ޓާމިނަލްގެ އޭރޯ ބްރިޖުންނެވެ. މިއީ ރާއްޖޭގެ އެއާޕޯޓެއްގައި ބަހައްޓައި ހިދުމަތް ފެށި ފުރަތަމަ އޭރޯ ބްރިޖެވެ. މި ހިދުމަތާއެކު ފަސިންޖަރުންނަށް ބޮޑު ފަސޭހައެއް ލިބިގެންދާނެ އެވެ.
އެމްއޭސީއެލްއިން ވަނީ އާ ޓާމިނަލް ހުޅުވުމާއެކު އަންނަ ސެޕްޓެމްބަރު މަހާ ހަމައަށް އާ ޓާމިނަލްގައި ހަމައެކަނި ހިދުމަތް ދޭނެ އެއާލައިންއަކަށް މޯލްޑިވިއަން ހަމަޖައްސާފަ އެވެ. އަދި ސެޕްޓެމްބަރު މަހާ ހަމައަށް އިތުރު އިންޓަނޭޝަނަލް އެއާލައިންތަކަށް ހިދުމަތް ފަށާނެ އެެވެ.
ކޮމެންޓް
Republic of Maldives