"އިސްކުރަންވީ ގައުމު، ހަމައެކަނި ދަންނަވަން ބޭނުންފުޅުވާ ވާހަކައަކީ މިއީ"

ރައީސް ޑރ. މުހައްމަދު މުއިއްޒު ރޭގެ ހަފުލާގައި ވިދާޅުވި ގޮތުގައި އެންމެން އެކުގައި މަސައްކަތް ކޮށްފިނަމަ ހުރިހާ މާނައެއްގައި ވެސް ތަރައްގީ ގެނެވާނެ އެވެ.

ރައީސް ޑރ. މުއިއްޒު ޓާމިނަލް ހުޅުއްވައި ދެއްވުމުގެ ގޮތުން ވާހަކަ ދައްކަވަނީ -- ރައީސް އޮފީސް

އެކި މީހުންގެ މެދުގައި ހުރި ކަންކަން އެއްފަރާތްތައް ގައުމު އިސްނުކޮށް ކުރިއަށް ދާން ރައީސް ޑރ. މުހައްމަދު މުއިއްޒު ގޮވާލައްވައިފި އެވެ. 

ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލް ހުޅުވަން ރޭ ބޭއްވި ރަސްމިއްޔާތުގައި ރައީސް ޑރ. މުހައްމަދު މުއިއްޒު ވިދާޅުވީ މިނިވަން ދުވަހު ހަމައެކަނި ބުނެލަން ބޭނުންވާ ވާހަކަފުޅަކީ އެންމެން އަޒުމު ކަނޑައަޅަންވީ ގައުމު އިސްކުރުމުގެ ވިސްނުން ކަމަށާ އެންމެން އެކުގައި މަސައްކަތްކޮށްފިނަމަ ކާމިޔާބު ލިބޭނެ ކަމަށެވެ. 

"އެންމެން އެކުގައި ކުރިއަށް ގޮސްފިނަމަ ތަރައްގީގެ އެތައް ކަމެއް ހާސިލްވާނެ. ބިނާތަކާ މާނަވީ ގޮތުންވެސް ތަރައްގީ ވެގެންދާނެ. އަޅުގަނޑު އަބަދުވެސް ދަންނަވާ ގޮތަށް ވަށައި ޖެހޭ ތަރަގީ ދާދިފަސޭހައިން ހާސިލްވާނެ. ސިކުނޑީގެ ތަރައްގީއާއި އުމްރާނީ ތަރައްގީ އެކުއެކީގައި ހާސިލްވެގެންދާނެ،" ރައީސް ވިދާޅުވި އެވެ. 

މިއީ ރައީސް ޑރ. މުހައްމަދު މުއިއްޒު ގައުމާ މުހާތަބު ކުރައްވައި ދެއްވާ ގިނަ ތަގުރީރުތަކުގައި ތަކުރާރު ކުރައްވާ ވާހަކަފުޅެކެވެ. މި ސަރުކާރު އައިފަހުން ދަނީ ގައުމިއްޔަތު ދިރުވައި ގައުމު އިސް ކުރުމުގެ ވިސްނުން އަށަގެންނުވަން ގިނަ މަސައްކަތްތަކެއް ކުރައްވަމުންނެވެ. މިގޮތުން ސްކޫލްތަކުގެ ދަރިވަރުންނަށް ހާއްސަކޮށް "ގައުމިއްޔަތު" މާއްދާ ވަނީ ވަކިން ތައާރަފު ކުރައްވާފަ އެވެ. އަދި ގައުމީ ފެންވަރުގެ ދުވަސްތަކާއި އީދު ފާހަގަ ކުރަން ހާއްސަ އިސްކަމެއް ވަނީ ދީފަ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.