"އިންޑިއާ-ރާއްޖެ ގުޅުމަށް ނަޝީދު އަބަދުވެސް ވަކާލާތު ކުރައްވާ"

މޯދީއާ ބައްދަލުކުރެއްވުމަށްފަހު ނަޝީދު އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ މޯދީއާ ބައްދަލުވުމަކީ އަބަދުވެސް ލިބޭ ޝަރަފެއް ކަމަށެވެ.

ކުރީގެ ރައީސް މުހައްމަދު ނަޝީދު އަދި އިންޑިއާގެ ބޮޑުވަޒީރު، ނަރެންދުރަ މޯދީ މިއަދު ބައްދަލުކުރައްވަނީ --

ކުރީގެ ރައީސް މުހައްމަދު ނަޝީދަކީ ރާއްޖެ އާއި އިންޑިއާއާ ދެމެދު އޮންނަ އެކުވެރިކަމަށް ވަރުގަދައަށް ވަކާލާތު ކުރައްވާ ބޭފުޅެއް ކަމަށް އިންޑިއާގެ ބޮޑުވަޒީރު، ނަރެންދުރަ މޯދީ ވިދާޅުވެއްޖެ އެވެ.

މޯދީ ރާއްޖެއަށް މިހާރު ކުރައްވާ ދަތުރުފުޅުގެ ތެރެއިން މިއަދު ވަނީ ނަޝީދުއާ ބައްދަލުކުރައްވާ އެވެ. އެ ބައްދަލުވުމަށްފަހު އެކްސްގައި ދިވެހި ބަހުން ކުރެއްވި ޕޯސްޓެއްގައި މޯދީ ވިދާޅުވީ މި ބައްދަލުވުމުގައި ‘ނެއިބާހުޑް ފަސްޓް’ ސިޔާސަތާއި "މަހާސާގަރު"ގެ ތަސައްވުރުގެ އަގުހުރި ތަނބެއްގެ ގޮތުގައި އަބަދުވެސް ރާއްޖެ އޮންނަ އޮތުމާ ބެހޭގޮތުން ވާހަކަދެކެވުނު ކަމަށެވެ.

އަދި، އިންޑިއާއިން ރާއްޖެއަށް ކެޕޭސިޓީ ބިލްޑިން އާއި ޑިވެލޮޕްމަންޓް ކޯޕަރޭޝަންގެ ދާއިރާ މެދުވެރިކޮށް އެއްބާރުލުން ފޯރުކޮށްދެމުން ގެންދާނެ ކަމަށް ވެސް މޯދީ ވިދާޅުވި އެވެ.

މޯދީއާ ބައްދަލުކުރެއްވުމަށްފަހު ނަޝީދު އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ މޯދީއާ ބައްދަލުވުމަކީ އަބަދުވެސް ލިބޭ ޝަރަފެއް ކަމަށެވެ.

އެ ބައްދަލުވުމުގައި، ރާއްޖޭގެ ޒުވާނުން ކުރިއެރުމަށާއި ފިލްމީ ދާއިރާއަށް އެހީތެރިވުމާ ގުޅޭ ގޮތުން މަޝްވަރާ ކުރެވުނު ކަމަށް ވެސް ނަޝީދު ވިދާޅުވި އެވެ.

ނަޝީދުގެ އިތުރުން މޯދީ ވަނީ ބައެއް ސިޔާސީ ވެރިންނާ މިއަދު ބައްދަލުކުރައްވާފަ އެވެ. އޭގެ ތެރޭގައި ނައިބް ރައީސް ހުސެއިން މުހައްމަދު ލަތީފާއި، މަޖިލީހުގެ ރައީސް އަބްދުއްރަހީމް އަބްދުﷲގެ އިތުރުން އިދިކޮޅު ޕާޓީގެ ބޭފުޅުން ހިމެނިވަޑައިގަންނަވަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.