ޕީއެސްއެމް އާއި އެޗުޑީސީން އެއާޕޯޓަށް ފަރިވަޅެއް
ވީއައިއޭ އިންޓަނޭޝަނަލް ޓާމިނަލް ހުޅުވުމުގެ ރަސްމިއްޔާތު ބާއްވާނީ ހޮނިހިރު ދުވަހުގެ ރޭ ވީއައިއޭގައި އޮންނަ ރަސްމިއްޔާތެއްގަ އެވެ. މިއީ 1978 ވަނަ އަހަރު ހުޅުވި ޓާމިނަލްގެ ބަދަލުގައި އާ ޓާމިނަލެއް ހެދި ފުރަތަމަ ފަހަރެވެ.
ދައުލަތުގެ މީޑިއާ، ޕީއެސްއެމް އާއި ހައުސިން ޑިވްލޮޕްމަންޓް ކޯޕަރޭޝަން (އެޗްޑީސީ) އިން އެއާޕޯޓް އާ ޓާމިނަލް ހުޅުވާތީ ފަރިވަޅެއް އަރުވައިފި އެވެ.
މިނިވަން ދުވަހު ހުޅުވަން ތައްޔާރުވަމުން ގެންދާ އާ އިންޓަނޭޝަނަލް ޓާމިނަލްގައި މިއަދު ބޭއްވި ރަސްމިއްޔާތުގައި ޕީއެސްއެމްއާއި އެޗުޑީސީގެ ފަރިވަޅާ ހަވާލުވީ އެމްއޭސީއެލްގެ އެމްޑީ އިބްރާހިމް ޝަރީފު އާއި ޗެއާޕާސަން ނޫރެއިން ޖަނާހު އަދި އެ ކުންފުނީގެ އިސްވެރިން ނެވެ.
ވީއައިއޭ އިންޓަނޭޝަނަލް ޓާމިނަލް ހުޅުވުމުގެ ރަސްމިއްޔާތު ބާއްވާނީ ހޮނިހިރު ދުވަހުގެ ރޭ ވީއައިއޭގައި އޮންނަ ރަސްމިއްޔާތެއްގަ އެވެ. މި ރަސްމިއްޔާތުގެ ދައުވަތު ރާއްޖޭގައި ވެރިކަން ކުރެއްވި އަދި މިވަގުތު ދުނިޔޭގައި ތިއްބެވި ހުރިހާ ރައީސުންނަށްވެސް ވަނީ ފޮނުވާފަ އެވެ. މި ރަސްމިއްޔާތު ވެގެންދާނީ މިފަހުން ބާއްވާ އެންމެ ކުލަގަދަ އެއް ހަފުލާއަށެވެ.
އާ ޓާމިނަލްގައި ހިމެނޭ ބައިތައް
- 47 ޗެކިން ކައުންޓަރު
- ހަ ސެލްފް ސާވިސް ކައުންޓަރު
- 20 ޑިޕާޗާ އިމިގްރޭޝަން ކައުންޓަ
- އޭވިއޭޝަން ސެކިއުރިޓީގެ ޗެކްޕޯސްޓުތައް
- 28 އިމިގްރޭޝަން ކައުންޓަރު
- 12 ޕަސެންޖާ ބޯޑިން ގޭޓު (އެރައިވް 6، ޑިޕާޗާ 6)
- ހަ ބެގޭޒް ކްލެއިމް ބެލްޓު (އޯވަސައިޒް ލަގެޖް ބެލްޓާއެކު)
- ކަސްޓަމްސް ޗެކް ޕޯސްޓް
- ކެއިން ބުއިމުގެ ހާއްސަ ވަސީލަތްތައް
މައި އެއާޕޯޓް އެންމެ ފުރަތަމަ ހިންގީ ހުޅުލެ އެއާޕޯޓުގެ ނަމުގަ އެވެ. އެއަށްފަހު މާލެ އިންޓަނޭޝަނަލް އެއާޕޯޓާއި އިބްރާހިމް ނާސިރު އިންޓަނޭޝަނަލް އެއާޕޯޓް އަދި މިހާރުގެ ނަމަކީ ވެލާނާ އިންޓަނޭޝަނަލް ޓާމިނަލް އެވެ. ވީއައިއޭގައި މިހާރު ބޭނުން ކުރަމުން ދަނީ 1978 ވަނަ އަހަރު ހުޅުވި ޓާމިނަލެކެވެ. މިހާރުގެ ޓާމިނަލްއަކީ 2 މިލިއަން ފަސިންޖަރުންގެ ޓާމިނަލް އެވެ. ނަމަވެސް އާ ޓާމިނަލްއަކީ ހަތް މިލިއަން ފަސިންޖަރުންގެ ޓާމިނަލް އެވެ.
ކޮމެންޓް
Republic of Maldives