މިއީ މިހާރު އަމަލުކުރަމުންދާ ގާނޫނުއަސާސީގެ ދަށުން ޝަރަފްވެރިކަމާއެކު ރިޓަޔާވެ ވަޑައިގަންނަވާ ފުރަތަމަ އުއްތަމަ ފަނޑިޔާރެވެ. މީގެ ކުރިން އެމަގާނަށް އައްޔަނު ކުރެއްވި ހުރިހާ ބޭފުޅުން ވަނީ މަގާމު ދޫކުރައްވާފަ އެވެ.
އެމަނިކުފާނު ރިޓަޔާ ކުރައްވަން ހުށަހަޅުއްވާފައި ވަނީ މިދިޔަ މޭ މަހު އެވެ. އެމަނިކުފާނަށް އިނާޔަތްތަކާއެކު ރިޓަޔާ ކުރެއްވުމުގެ ފުރުސަތު ދޭން ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމާފައި ވަނީ މިމަހުގެ 17 ވަނަ ދުވަހު އެވެ.
މިއީ މިހާރު އަމަލުކުރަމުންދާ ގާނޫނުއަސާސީގެ ދަށުން ޝަރަފްވެރިކަމާއެކު ރިޓަޔާވެ ވަޑައިގަންނަވާ ފުރަތަމަ އުއްތަމަ ފަނޑިޔާރެވެ. މީގެ ކުރިން އެމަގާނަށް އައްޔަނު ކުރެއްވި ހުރިހާ ބޭފުޅުން ވަނީ މަގާމު ދޫކުރައްވާފަ އެވެ.
އެމަނިކުފާނު ރިޓާޔާ ކުރެއްވުމުން ސުޕްރީމް ކޯޓުން މިއަދު ވަނީ ޝުކުރުގެ މެސެޖެއް ވެސް އާންމުކޮށްފަ އެވެ.
"ދިވެހިރާއްޖޭގެ އުއްތަމަ ފަނޑިޔާރު ކަމުގައި ދިވެހިރާއްޖޭގެ ޝަރުއީ ދާއިރާއަށް ކޮށްދެއްވާފައިވާ އަގުހުރި މަސައްކަތްތަކަށް އިހުލާސްތެރިކަމާއެކު ޝުކުރު ދަންނަވަން،" އެ މެސެޖުގައިވެ އެވެ.
އުއްތަމަ ފަނޑިޔާރު ރިޓަޔާ ކުރައްވާފައި މިވަނީ ކުރިން ވެސް އެފަދަ އިޝާރާތް ތަކެއް ދެއްވުމަށްފަހު އެވެ. އެގޮތުން، ވަކީލުން ހުވާ ކުރުމުގެ ޖަލްސާއެއްގައި އެމަނިކުފާނުގެ އުމުރުފުޅުން ދުވަސްވެފައިވާ ކަމަށާއި، ދެން އެފަދަ ޖަލްސާއަކުން ނުފެނުމަކީވެސް އެކަށީގެންވާ ކަމެއް ކަމަށް އޭރު ވިދާޅުވެފައިވެ އެވެ.
މިދިޔަ ޑިސެމްބަރު މަހު ހާލުކޮޅު ގޯސްވެގެން ހޮސްޕިޓަލުގައި ފަރުވާ ވެސް ހޯއްދަވާފައިވެ އެވެ.
އުއްތަމަ ފަނޑިޔާރުގެ މަގާމަށް މުއުތަސިމް އައްޔަން ކުރެއްވީ ޑިސެމްބަރު 8، 2019 ގަ އެވެ. އޭގެ ކުރީން 2010 އިން 2014 ވަނަ އަހަރުގެ ނިޔަލަށް ސުޕްރީމް ކޯޓުގެ ފަނޑިޔާރުކަން ކުރައްވާފައިވެ އެވެ.