މަޓާޓޯއިން ގޮވާލީ ޓީއެމްއޭ ޕައިލޮޓުންގެ މައްސަލާގައި މަޝްވަރާ ކުރަން

ޓީއެމްއޭގެ ޕައިލޮޓުން ވަނީ ޑޮލަރުން ލިބޭ މުސާރައިގެ ބައެއް ރުފިޔާއިން ދޭން ޓީއެމްއޭ އިން ނިންމުމުން މިމަހުގެ 29 ވަނަ ދުވަހު މަސައްކަތް ހުއްޓާލަން ނިންމާފަ އެވެ.

ވީއައިއޭގައި ހިންގާ ސީޕްލޭން ޓާމިނަލް --ޓީއެމްއޭ

ޑޮލަރުން މުސާރަ ނުދޭތީ މަަސައްކަތް ހުއްޓާލަން އުޅޭ، ޓީއެމްއޭ ޕައިލޮޓުންގެ މައްސަލަ މަޝްވަރާކޮށްގެން ހައްލުކުރަމް 
މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ގޮވާލައިފި އެވެ، 

ރާއްޖޭގެ 90 ޕަސެންޓް ރިސޯޓްތަކަށް ޓޫރިސްޓުން އުފުލާ ދުނިޔޭގެ އެންމެ ބޮޑު ސީޕްލޭން ކުންފުނި، ޓީއެމްއޭގެ ޕައިލޮޓުން ވަނީ ޑޮލަރުން ލިބޭ މުސާރައިގެ ބައެއް ރުފިޔާއިން ދޭން ޓީއެމްއޭ އިން ނިންމުމުން މިމަހުގެ 29 ވަނަ ދުވަހު މަސައްކަތް ހުއްޓާލަން ނިންމާފަ އެވެ.

މިކަމާ ބެހޭ ގޮތުން މަޓާޓޯއިން ނެރުނު ބަޔާނެއްގައި ބުނީ ހަޅުތާލުގެ ސަބަބުން ފްލައިޓް އޮޕަރޭޝަންތައް ސަސްޕެންޑް ވުމުގެ ސަބަބުން ފަތުރުވެރިންނަށް ދިމާވެދާނެ ދަތިތަކާއި މެދު އެ ޖަމުޢިއްޔާ ކަންބޮޑު އެވެ. - މި މައްސަލަ ސަރުކާރާއި ޓީއެމްއޭ އަދި ކަމާބެހޭ ހުރިހާ ފަރާތްތަކެއް ގުޅިގެން ހައްލު ކުރަން އެ ޖަމިއްޔާއިން ގޮވައިލި އެވެ.

ޓީއެމްއޭ އިން ބުނީ ރާއްޖެ އަންނަ ފަތުރުވެރިންނަށް ދޭ އެތެރޭގެ ދަތުރުފަތުރުގެ ހިދުމަތް އަދި ރިސޯޓްތަކުގެ ޓްރާންސްފާސް އާއި ލޮޖިސްޓިކްސްގައި ޓީއެމްއޭގެ މުހިންމު ދައުރަށް ބަލާއިރު، އެއްވެސް ބުރޫއެރުމެއްގެ ސަބަބުން ފަތުރުވެރިކަމުގެ ދާއިރާއަށް އަގުނުކުރެވޭނެ ގެއްލުން ލިބިދާނެ އެވެ.

ދުނިޔޭގެ އެންމެ ބޮޑު ސީޕްލޭން ފްލީޓް ހިންގާ ޓީއެމްއޭ އަކީ ވެލާނާ އިންޓަނޭޝަނަލް އެއާޕޯޓާއި ރާއްޖޭގެ ގިނަ ރިސޯޓްތަކާ ދެމެދު ރާއްޖެއަށް ޗުއްތީހޭދަކުރުމަށް އަންނަ ފަތުރުވެރިންގެ ދަތުރު ޕްރައިމަރީ މޯޑެއްގެ ގޮތުގައި މަސައްކަތް ކުރާ ކުންފުންޏެކެވެ. ހަޅުތާލުގެ ސަބަބުން އަދި ފްލައިޓްތައް ސަސްޕެންޑް ވުމުން މިމުހިންމު ގުޅުން ހުއްޓި، ދަތުރުވެރިން ތާށިވެ ދަތުރުވެރިންނަށް ދާންވާ މަންޒިލަށް ނުދެވި ގައުމުގައި ގެސްޓުންގެ ތަޖުރިބާތަކަށް ގެއްލުންވެ ރާއްޖޭގެ ރީތިނަން ކިލަނބު ވުމުގެ ފުރުސަތު އެބައޮތް ކަމަށް މަޓާޓޯ އިން ބުނެފައިވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.