ޑޮލަރު މާރުކުރުމުގައި ޖެނުއަރީ މަހު ޓީއެމްއޭއަށް ބޮޑު ލުޔެއް ދީފި

ޑޮލަރު މާރު ކުރުމުގެ ގަވައިދުގެ ދަށުން ދުނިޔޭގެ އެންމެ ބޮޑު ސީޕްލޭން ކުންފުނި ޓީއެމްއޭއަށް މި އަހަރުގެ ޖެނުއަރީ މަހު މަރުކަޒީ ބޭންކުން ބޮޑު ލުޔެއް ދީފައިވާ ކަމަށްކަން އެނގިއްޖެ އެވެ.

އެނގިފައިވާ ގޮތުގައި މި އަހަރުގެ ޖެނުއަރީން ފެށިގެން ދުނިޔޭގެ އެންމެ ބޮޑު ސީޕްލޭން ކުންފުންޏަށް ދީފައިވާ މި ލުއިގެ ސަބަބުން އެ ކުންފުނީގެ އޮޕަރޭޝަނާއި އަދި މުވައްޒަފުންގެ މުސާރާ ބޭރު ފައިސާއިން ދިނުމުގައި މިވަގުތު ދަތިތަކެއް ނޯންނާނެ އެވެ. ނަމަވެސް، ދީފައިވާ މި ލުޔާ ބެހޭ ގޮތުން އެމްއެމްއޭގެ ފަރާތުން އެއްވެސް އެއްޗެއް ބުނެފައެއް ނުވެ އެވެ.

އެނގިފައިވާ ގޮތުގައި މި ލުއި ދީފައިވަނީ އެމްއެމްއޭ އަށް އެ ކުންފުނިން ހުށަހަޅާފައިވާ ލިޔެކިޔުންތަކަށް ބެލުމަށް ފަހު ބޭރު ފައިސާގެ ގާނޫނުގެ ތެރެއިން ދެވެން އޮންނަ ލުއިތަކެއް ދުނިޔޭގެ އެންމެ ބޮޑު ސީޕްލޭން ކުންފުންޏަށް ދިނުމުގެ ބޭނުމުގަ އެވެ.

އެ ނިންމި ނިންމި ސަބަބުތަކުގެ ތެރޭގައި ރާއްޖޭގެ ރިޒޯޓްތަކުން އަންނަ ފަތުރުވެރިން ރިޒޯޓްތަކަށް ގެންދިއުމުގައި މުހިއްމު ދައުރެއް އަދާކުރާ ބަޔަކަށް އެ ކުންފުނިވެފައި އެ ކުންފުނީގެ މުވައްޒަފުން ނަށް ޑޮލަރުން ލިބޭ މުސާރަ އަށް އުނިކަން ނާންނާނެ ގޮތަށް ކަންތައްތައް ހަމަޖެއްސުމަށް ޓީއެމްއޭ އަށް އެހީތެރިވުމުގެ ގޮތުންނެވެ. 

ޓީއެމްއޭގެ މުސާރައިގެ އޮނިގަނޑަށް ދާދި ފަހުން ގެނައި ބަދަލުގައި ވަނީ މުސާރައިގެ 80 ޕަސެންޓް ޑޮލަރުން އަދި 20 ޕަސެންޓް ރުފިޔާ އިން ދޭ ގޮތަށް ނިންމާފަ އެވެ. މި ނިންމުމާ ގުޅިގެން ޓީއެމްއޭގެ ބޯޓު އުދުއްސާ ކެޕްޓަރުން ވަނީ މިމަހުގެ 29 ވަނަ ދުވަހު ދަތުރުތައް ހުއްޓާލަން ނިންމާފަ އެވެ. މި ނިންމުމާ ބެހޭ ގޮތުން ޓީއެމްއޭގެ މުވައްޒަފުން ވަނީ ރޭގަ ބައްދަލުވުމެއް ބާއްވާފަ އެވެ.

މޯލްޑިވިއަން ފަދަ އެއާލައިން ތަކުން ވެސް ޕައިލެޓުންނަށް މުސާރަ ދެނީ ދިވެހި ރުފިޔާއިންނެވެ. ދުނިޔޭގެ ކުރިއަރާފައި ހުރި ޤައުމުތަކާއި އަދި ޖުމްލަކޮށް ހުރިހާ ގައުމުގެ ވެސް އެގައުމުގައި އޮޕަރޭޓްކުރާ ކުންފުނިތަކުން މުވައްޒަފުންނަށް މުސާރަދެނީ އެގަމެއްގެ ފައިސާއިންނެވެ. އޭގެ ބޭނުކަމަކީ ބޭރު ފައިސާ ހޯދުމުގައި ޢާއްމުން ފަރާތްތަކުން ޕްރެލަލް މާކެޓަށް ބަރޯސާވާން ޖެހޭ މިންވަރު ކުޑަކޮށް ޕްރެލަލް މާކެޓުގެ ބާރު ކުޑަކުރުމަށެވެ.