މުޅި އަހަރު %10 ގެ ކުރިއެރުން | ޓޫރިސްޓް ނަމްބަރު 1.2 މިލިއަނަށް
އިއްޔެ ނިޔަލަށް ރާއްޖެއަށް 1.2 މިލިއަނަށްވުރެ ގިނަ ޓޫރިސްޓުން ވަނީ އައިސްފަ އެވެ. މިއީ ކުރީ އަހަރު އައި 1.1 މިލިއަން ޓޫރިސްޓުންނާ އަޅާ ކިޔާނަމަ ގާތްގަނޑަކަށް 10 ޕަސެންޓުގެ އިތުރުވުމެކެވެ.
މުޅި އަހަރަށް ބަލާނަމަ މިހާތަނަށް %10 ޕަސެންޓުގެ ކުރިއެރުމެއްގައި އޮވެ، ރާއްޖެ އަންނަ ޓޫރިސްޓުންގެ އަދަދު 1.2 މިލިއަން ފަހަނަ އަޅައިފި އެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން އިއްޔެ ނިޔަލަށް ރާއްޖެއަށް 1.2 މިލިއަނަށްވުރެ ގިނަ ޓޫރިސްޓުން ވަނީ އައިސްފަ އެވެ. މިއީ ކުރީ އަހަރު އައި 1.1 މިލިއަން ޓޫރިސްޓުންނާ އަޅާ ކިޔާނަމަ ގާތްގަނޑަކަށް 10 ޕަސެންޓުގެ އިތުރުވުމެކެވެ.
މިމަހުގެ މިހާތަނަށް 111,987 ޓޫރިސްޓުން އައިސްފައިވެ އެވެ. މިއީ ކުރީ އަހަރު އައި 97,892 ޓޫރިސްޓުންނާ އަޅާ ބަލާނަމަ 14.4 ޕަސެންޓުގެ އިތުރުވުމެކެވެ.
މި އަހަރުގެ މިހާތަނަށް ދުވާލެއްގެ މައްޗަށް ރާއްޖެއަށް 6,101 ޓޫރިސްޓުން އަންނަ ކަމަށް ދައްކަ އެވެ. އަދި އެވްރެޖުކޮށް ޓޫރިސްޓުން ހަފުތާއަކު މަޑުކުރެ އެވެ.
އެންމެ ގިނައިން ޓޫރިސްޓުން އައި ގައުމުތައް
- 1.ޗައިނާ - 170,210
- 2.ރަޝީއާ - 142,899
- 3.ޔޫކޭ - 116,201
- 4.އިޓަލީ - 90,367
- 5.ޖަރުމަނީ - 87,834
- 6.އިންޑިއާ - 72,477
- 7.ޔޫއެސްއޭ - 37,909
- 8.ފްރާންސް - 36,533
- 9.ސްވިޒަލޭންޑް - 24,377
- 10.ސްޕެއިން - 23,537
މި އަހަރު އެންމެ ގިނައިން ޓޫރިސްޓުން އައިސްފައިވާ ޗައިނާ މާކެޓުން 14 ޕަސެންޓް ހިއްސާއެއް ޓޫރިޒަމް ކުރެ އެވެ. އަދި އެ ގައުމުން 170,210 ޓޫރިސްޓުން އައިސްފައިވެ އެވެ. އަދި ރަޝިއާއިން 142,899 އައި ކަމަށް ދައްކަ އެވެ.
މިދިޔަ އަހަރު ރާއްޖެއަށް ދެ މިލިއަން ޓޫރިސްޓުން އައިސްފައިވެ އެވެ. އަދި މި އަހަރު 2.3 މިލިއަން ޓޫރިސްޓުން ގެނައުމަކީ ސަރުކާރުގެ އަމާޒެކެވެ.
ކޮމެންޓް
Republic of Maldives