20 އަހަރު ކޯމާގައި އޮތް ސްލީޕިން ޕްރިންސް އަވަހާރަ ވެއްޖެ
އެކްސިޑެންޓެއްގައި އަނިޔާވެ އަލް ވަލީދު ކޯމާއަށް ދިޔައީ އުމުރުން 16 އަހަރުގަ އެވެ. އިއްޔެ އަވަހާރަވިކަން އިއުލާނު ކުރިއިރު އުމުރަކީ 36 އަހަރެވެ. މި ހުރިހާ ދުވަހު އޮތީ މެޝިނުގެ އެހީގަ އެވެ.
ސައޫދީ އަރަބިއްޔާގެ އެންމެ މުއްސަނދި އެއް މަހުޖަނު އަދި ޝާހީ އާއިލާގެ އެއް ތަނބު ކަމަށްވާ އަލްވަލީދު އޭނާގެ ދަރިކަލުން އަލްވަލީދު ބިން ހާލިދުގެ ގައިގައި ގުޅާފައިވާ މެޝިންތައް ނިއްވާލަން ދެކޮޅު ހެދި އެވެ. އިނގިރޭސިލާތުގައި އުޅެނިކޮށް ހިނގި ނުރައްކާތެރި އެކްސިޑެންޓެއްގައި ބޮލަށް ލިބުމު އަނިޔާތަކެއްގެ ސަބަބުން ކޯމާއަށް ދިޔަ އަލްވަލީދު ބިން ހާލިދު އެ ދުވަހުން ފެށިގެން އޮތީ ކޯމާއެއްގަ އެވެ.
އެހެންވެ، މިދިޔަ 20 އަހަރު އޭނާ އޮތީ "ގަދަ ނިދީގައި" ކޯމާއެއްގަ އެވެ. އެހެންވެ ދުނިޔެއިން މިއީ "ސްލީޕިން ޕްރިންސް" ގެ ގޮތުގައި މުހާތަބު ކުރި އެވެ.
އިނގިރޭސިވިލާތުގެ މިލިޓަރީ ކޮލެޖުގައި ތައުލީމް ހާސިލް ކުރަމުން ދިޔަ ޕްރިންސް އަލް ވަލީދު އެކްސިޑެންޓަށް ފަހު އޭނާ ހޮސްޕިޓަލުގައި އެޑްމިޓްކޮށްފައި ވަނީ ސައުދީގެ ވެރިރަށް ރިޔާދުގެ ކިންގް އަބްދުލްއަޒީޒް މެޑިކަލް ސިޓީގަ އެވެ. ނުރައްކާތެރި އެކްސިޑެންޓް 2005 ގައި ހިނގުމަށްފަހު ޕްރިންސް އަލް ވަލީދު ދުނިޔެ އަށް މަޝްހޫރު ވެގެން ދިޔައީ "ސްލީޕިން ޕްރިންސް" ގެ ގޮތުގަ އެވެ.
މި ނުރައްކާތެރި އެކްސިޑެންޑް ހިނގީ ޕްރިންސް އަލް ވަލީދުގެ އުމުރުން އެންމެ 16 އަހަރުގަ އެވެ. މި ހާދިސާގައި އޭނާގެ ސިކުނޑިއަށް ބޮޑެތި އަނިޔާތަކާއި އެތެރެހަށީގެ ލޭއައުން ކުރިމަތިވި އެވެ. އުމުރުން މިހާރު 36 އަހަރުގެ ސްލީޕިން ޕްރިންސް އަވަހާރަވިކަން ސައޫދީން ރަސްމީކޮށް އިއްޔެ ވަނީ އިއުލާނުކޮށްފަ އެވެ.
ވަލީއަހުދު އަވަހާރަވިކަން އިއުލާނުކޮށް ގްލޯބަލް އިމާމްސް ކައުންސިލުން ނެރުނު ބަޔާނެއްގައި، އެ ކައުންސިލުން އިހުލާސްތެރި ތައުޒިޔާ އާއި ހިތުގެ ހަމްދަރުދީ ވަލީއަހުދުގެ އާއިލާއަށް ފޮނުވާ ކަމަށް ބުނެފައިވެ އެވެ.
ކޮމެންޓް
Republic of Maldives