އެސްޓްރޮމާ ވެރިޔާ ވަގު ލޯބިވެރިޔާއެކު ފަޅާ އަރައިފި

ބުދަ ދުވަހު ބޮސްޓަންގައި ބޭއްވި ކޯލްޑްޕްލޭ ކޮންސެޓްގައި އެސްޓްރޮނޮމާ ކުންފުނީގެ ސީއީއޯ އެންޑީ ބައިރޮން ކެމެރާއިން ފެނިގެން ދިޔައީ އެ ކުންފުނީގެ ޗީފް ޕަބްލިކް އޮފިސަރާއެކު ގައިގޯޅި ވެގެން ތިއްބަ އެވެ.މި ދެ މީހުންގެ ގުޅުން އެންމެންގެ ކުރިމަތީގައި ފަޅާ އެރީ އިނގިރޭސި ބޭންޑު ކޯލްޑް ޕްލޭގެ ޕާފޯމަންސްގެ ތެރެއިން ކިސް ކެމް އެއް ބައިރޮން އާއި އޭނާގެ އެކުވެރިޔާ ކްރިސްޓެން ކެބޮޓް އަށް ކެމެރާ އަޅުވަން އުޅެނިކޮށް އޮޅިގެން މި ދެމީހުންނަށް ކެމެރާ އެޅުވުމުންނެވެ.

ބޮޑު ސްކްރީނުން ކެމެރާ އަޅުވާލި ވަގުތު އެންމެން ހައިރާންވީ އެސްޓްރޮނޮމާ ސީއީއޯ އެންޑީ ބައިރޮންގެ އެ ކުންފުނީގެ އެޗްއާރު ޑިރެކްޓަރު އަތް ކެބޮޓްގެ ކަކުލުގައި އަޅުވާލައިގެން ތިބި މަންޒަރާއެކުގަ އެވެ. މި މަންޒަރު ލައިވްކޮށް އެތައް މިލިއަން ބަޔަކަށް ފެނުމާއެކު ބައިރޮން ގަތް ލަދެއްވެ ބޮޑުކަމުން ތިރިވީ އެވެ. އަދި އަތް ކެބޮޓް މޫނުމަތީގައި އަތް އަޅައިގެން އަނެއް ފަރާތައް އެނބުރުނީ އެވެ.

މި މައްސަ ހޫނުވުމާއެކު މި ބަސްޓު ވެެގެން ގޮސްފައިވަނީ މިހާރު ނޫސްތަކުގައި އެންމެ ވިކޭ ސުރުހީ އަށެވެ. މިކަން ފަޅާ އަރައި އެތައް ބައެއްގެ ސަމާލުކަން ލިބުނުތާ މާގިނައިރު ތަކެއް ނުވެ އެސްޓްރޮނޮމާ ސީއީއޯގެ އަންހެނުން މެގަން ކެރިގަން ވަނީ އޭނާގެ ފޭސްބުކް ޕޭޖުން އޭނާގެ ނަން އުނިކޮށްފަ އެވެ. ބުނެވޭ ގޮތުގައި އޭނާގެ މި ފިޔަވަޅަކީ ވަރިވާން އުޅޭ ކަމުގެ ނިޝާނެކެވެ.