ހުޅުމާލެ ފްލެޓެއްގެ އެޕާޓްމެންޓެއްގައި އަލިފާން ރޯވެއްޖެ
އެ އެޕާޓްމެންޓަކީ 11 ބިދޭސީން ދިރިއުޅޭ ތަނެކެވެ. އެއްވެސް މީހަކަށް އަނިޔާއެއް ލިބިފައި ނުވާ ކަމަށް އެމްއެންޑީއެފުން ބުންޏެވެ.
އެމްއެންޑީއެފުން ބުނީ އަލިފާން ރޯވެފައި ވަނީ 94 ނަންބަރު ފްލެޓްގެ ތިންވަނަ ފަންގިފިލާގެ ދެވަނަ އެޕާޓްމެންޓްގައި ކަމަށެވެ. ރޯވި އަލިފާންގަނޑު އެމްއެންޑީއެފް ފަޔާ އެންޑް ރެސްކިޔު ސާވިސްއިން މިހާރު ވަނީ ކޮންޓްރޯލްކޮށްފަ އެވެ.
އެ އެޕާޓްމެންޓަކީ 11 ބިދޭސީން ދިރިއުޅޭ ތަނެކެވެ. އެއްވެސް މީހަކަށް އަނިޔާއެއް ލިބިފައި ނުވާ ކަމަށް އެމްއެންޑީއެފުން ބުންޏެވެ.
އެމްއެންޑީއެފުން އާންމުކޮށްފައިވާ ފޮޓޯއިން ފެންނަ ގޮތުގައި އަލިފާން ރޯވެ އަނދާފައި ވަނީ އެ އެޕާޓްމެންޓެއްގެ ކޮޓަރިއެއް ކަމަށް ބެލެވެ އެވެ. އެތަނުގައި ހުރި ޑަބަލް އެނދެއް ވަނީ އަނދާފަ އެވެ. މުޅި ކޮޓަރިތެރެއަށް އަލިފާނުގެ އަސަރުކޮށްފައިވާކަން އެ ފޮޓޯއިން އެނގެ އެވެ.
މި ހާދިސާ ހިނގަން މެދުވެރިވި ސަބަބެއް އަދި ނޭންގެ އެވެ. ކަމާ ގުޅުންހުރި އިދާރާތަކުން ދަނީ އެތަނުގައި ހަރަކާތްތެރިވަމުންނެވެ.
ކޮމެންޓް
Republic of Maldives