ފަނޑިޔާރުންނާއި އާއިލާއަށް އިންޝުއަރެންސް ދޭނެ ކުންފުންޏެއް ހޯދަނީ

ފަނޑިޔާރުންނާއި އާއިލާ އަށް އިންޝުއަރެންސުގެ ހިދުމަތް ދޭނެ ކުންފުންޏެއް ހޯދަން އިއުލާނުކޮށްފި އެވެ. 

މިނިސްޓްރީ އޮފް ފިނޭންސުން ބުނެފައިވާ ގޮތުގައި ޑިޕާޓްމަންޓް އޮފް ޖުޑީޝިއަލް އެޑްމިނިސްޓްރޭޝަންގެ އެދުމުގެ މަތިން ފަނޑިޔާރުންނާއި ފަނޑިޔާރުކަން ކުރެއްވި ބޭފުޅުންނާއި އެ ބޭފުޅުންގެ ޑިޕެންޑެންޓުން އަދި މައިންބަފައިންނަށް ހެލްތް އިންޝުއަރެންސްގެ ހިދުމަތް ތިން އަހަރު ދުވަހު ދޭނެ ފަރާތެއް ހޯދަން ބޭނުންވެ އެވެ. 

ފިނޭންސުން ބުނީ މިފަރާތްތަަކަށް އިންޝުއަރެންސްގެ ހިދުމަތް ދޭނެ ފަރާތެއް ހޯދުމުގެ ކަންކަން ކުރިއަށް ގެންދާނީ ނޭޝަނަލް ކޮމްޕެޓިޓިވް ބިޑިންގެ އުސޫލުންނެވެ. މިކަމަށް ކުރިމަތިލާ ފަރާތްތަކުން ބިޑް ސެކިއުރިޓީގެ ގޮތުގައި 177،750 ރ. ބަހައްޓަން ޖެހެ އެވެ. 

މިހާރު ހައި ކޯޓުގެ ފަނޑިޔާރުން 300،000 ގެ އިންޝުއަރެންސް ކަވާއެއް ލިބެ އެވެ. އަދި  ސުޕީރިއާ ކޯޓުތުގެ ފަނޑިޔާރުން ވެސް 300،000 އަށް ރުފިޔާގެ އިންޝުއަރެންސް ކަވާއެއް ލިބޭއިރު  މެޖިސްޓްރޭޓް ކޯޓުގެތަކުގެ ގާޒީން 250،000 ރުފިޔާގެ ކަވަރެއް ދީފައިވެ އެވެ.