ތިނަދޫ ސިޓީ މޭޔަރާއި ޑެޕިއުޓީ މޭޔަރު ސަސްޕެންޑް ކުރި މައްސަލަ ކޯޓަށް
އެލްޖީއޭއިން ސައުދު ތިން މަހަށް އަދި ނަސްރުﷲ އެއް މަހަށް ސަސްޕެންޑް ކުރުމަށް ނިންމި ނިންމުން ބާތިލު ކުރުމަށް ސިވިލް ކޯޓަށް އިއްޔެ ވަނީ މައްސަލަ ހުށަހަޅާފަ އެވެ.
ގާނޫނާއި ގަވާއިދާ ހިލާފަށް ތިނަދޫ ސިޓީ ކައުންސިލުން އަމަލު ކުރަމުންދާ ކަމަށް ބުނެ، އެ ކައުންސިލުގެ މޭޔަރު ސައުދު އަލީ އާއި ޑެޕިއުޓީ މޭޔަރު ނަސްރުﷲ އަލީ ސަސްޕެންޑް ކުރި މައްސަލަ ސިވިލް ކޯޓަށް ހުށަހަޅައިފި އެވެ.
ލޯކަލް ގަވަމެންޓް އޮތޯރިޓީ (އެލްޖީއޭ) އިން މުސާރަ ނުހިނގާ ގޮތަށް އެ ދެ ބޭފުޅުން ސަސްޕެންޑް ކޮށްފައި ވަނީ މިދިޔަ މަހުގެ 25 ވަނަ ދުވަހު އެވެ. ސަސްޕެންޑް ކޮށްފައި ވަނީ ދެ ބޭފުޅުންގެ 19 މައްސަލައެއް ބެލުމަށްފަހު ހެދި އިންކުއަރީއަށްފަހު ކަމަށް އެ އޮތޯރިޓީން ބުންޏެވެ.
އެލްޖީއޭއިން ސައުދު ތިން މަހަށް އަދި ނަސްރުﷲ އެއް މަހަށް ސަސްޕެންޑް ކުރުމަށް ނިންމި ނިންމުން ބާތިލު ކުރުމަށް ސިވިލް ކޯޓަށް އިއްޔެ ވަނީ މައްސަލަ ހުށަހަޅާފަ އެވެ.
އިންކުއަރީއަށްފަހު އެލްޖީއޭ އިން ވަނީ ކައުންސިލްގައި ހުރި މައްސަލަތައް ފާހަގަކޮށް ރިޕޯޓެއް ތައްޔާރުކޮށްފަ އެވެ. އެ ރިޕޯޓުގައި ފާހަގަކޮށްފައިވާ މައްސަލަތަކުގެ ތެރޭގައި؛
- ތިނަދޫއިން އެހެން ރަށްތަކަށް ރަށްވެހިކަން ބަދަލުކުރުމަށް ހުށަހެޅުމުން 5،000 ރުފިޔާގެ ފީއެއް ނެގުން
- އެ ފީ ނެގުން ހުއްޓާލުމަށް އެލްޖީއޭއިން އެންގުމުން އެ އަށް އަމަލު ނުކުރުން
- ދައުލަތުގެ އިދާރާތަކުން، ކައުންސިލަށް ފޮނުވާ ސިޓީތަކަށް ޖަވާބު ނުފޮނުވުން
- ތިނަދޫގައި އަޅާ 200 ހައުސިން ޔުނިޓަށް ކުރިމަތިލުމަށް ހައުސިން މިނިސްޓްރީގެ މަޝްވަރާ ނެތި ހުޅުވާލުން
- ފިނޭންސް މިނިސްޓްރީގެ ހުއްދަ ނެތި ކައުންސިލުގެ ބިޑު ކޮމިޓީ އާއި ބިޑު އިވެލިއުޝަން ކޮމިޓީއަށް އެލަވަންސް ދިނުން
- އަތޮޅު ކައުންސިލާއި ދައުލަތުގެ އެހެން އިދާރާތަކުން ކައުންސިލުން ހޯދުމަށް އެދޭ މައުލޫމާތު ނުފޮނުވުން
- އަތޮޅު ކައުންސިލުން އަންގާ އެންގުންތަކަށް އަމަލު ނުކުރުން
- ކައުންސިލުގެ އޮފިޝަލުން ކައުންސިލާއި ލާމަރުކަޒީ ނިޒާމުގެ އަގުވައްޓާލަން ސޯޝަލް މީޑިއާ އެކައުންޓުތަކުން ޕޯސްޓް ކުރުން
- މާލިއްޔަތު ގާނޫނާ ހިލާފަށް ކައުންސިލުން ހިންގާ ޕްރޮކިއުމަންޓްތައް ބައިބަޔަށް ބަހާލައިގެން ކުރިއަށް ގެންދިއުން
- ވަކި ފަރާތަކަށް މަންފާވާ ގޮތަށް ކައުންސިލަށް ލޯންޗެއް ގަތުމަށް ޕްރޮކިއުކުރުން
- ވޭޖް އުސޫލުން އިއުލާން ކުރުމެއް ނެތި، ކައުންސިލަށް މުވައްޒަފުން ނެގުން
- އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ރައީސާ ޖީޒާ ހަސަން އޮންލައިންކޮށް ޖަލްސާގައި ބައިވެރިވެ، އެލަވަންސް ނެގުން
- ކައުންސިލް މެންބަރު އަދި ކުރީގެ ލަވަކިޔުންތެރިޔާ އަބްދުﷲ ޒަލީފް މުހައްމަދު ސާބިތު ދަރަންޏެއް އޮތުން
އެލްޖީއޭ އިން ބުނެފައި ވަނީ ލާމަރުކަޒީ ގާނޫނުގައި ބުނާ މަސްއޫލިއްތުތަކާއި ވާޖިބުތައް އެކަށީގެންވާ ގޮތެއްގައި އަދާ ނުކޮށް، އެ ވާޖިބުތައް އަދާކުރުމަށް ކައުންސިލުން އިހުމާލުވެފައިވާ ކަމަށެވެ.
ސަސްޕެންޑް ކުރުމުން މީގެ ކުރިން ސައުދު ވަނީ އޭނާގެ މައްޗަށް ފިޔަވަޅު އަޅާފައި ވަނީ ސިޔާސީ ގޮތުން ކަމަށް ވިދާޅުވެފަ އެވެ. އޭނާ ތުހުމަތު ކުރަނީ އެއީ ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ ޕީއެންސީ މެންބަރު ސައުދުﷲ ހިލްމީ އެލްޖީއޭއަށް ހުށަހަޅުއްވައިގެން ބެއްލެވި މައްސަލަތަކެއްގެ ގޮތުގަ އެވެ.
ކޮމެންޓް
Republic of Maldives