ޑިންގީއެއްގައި ލޯންޗަކުން ޖެހި ފަސް މީހަކަށް އަނިޔާވެއްޖެ

ޅ. ގާއެރި ފަޅު ކައިރީގައި ޑިންގީއެއްގައި ލޯންޗަކުން ޖެހި ފަސް މީހަކަށް އަނިޔާވެއްޖެ އެވެ.

ފުލުހުން ބުނީ، ލޯންޗު ޖެހިފައިވަނީ، އެ ފަޅު ކައިރިއަށް ބަޔަކު ފީނަންވެގެން ނުކުމެ އުޅުނު ޑިންގީއެއްގައި ކަމަށެވެ. 

މި އެކްސިޑެންޓުގައި ޑިންގީގައި ތިބި ފަސް ފިރިހެނަކަށް އެކިވަރުގެ އަނިޔާތައް ލިބިފައިވާ ކަމަށް ފުލުހުން ބުންޏެވެ.

"އޭގެތެރެއިން އެކަކަށް ސީރިއަސް އަނިޔާތަކެއް ލިބިފައިވާ ކަމުގެ މައުލޫމާތު ވަނީ ލިބިފައި،" ފުލުހުން ބުންޏެވެ.

ފުލުހުން ބުނީ، މި ހާދިސާގައި އަނިޔާވި މީހުންނަށް ޅ. އަތޮޅު ހޮސްޕިޓަލުގައި ފަރުވާދެމުންދާ ކަމަށާއި، މި ހާދިސާ ތަހުގީގުކުރަމުންދާ ކަމަށެވެ.