ދުވާފަރުގައި ގަވާއިދާ ހިލާފަށް އުޅުނު 51 ބިދޭސީއަކު އަތުލައިގެންފި

ރ. ދުވާފަރުގައި ގަވާއިދާ ހިލާފަށް އުޅުނު 51 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

އިމިގްރޭޝަނުން މިއަދު ބުނީ ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދުމަށް އިއްޔެ ޓާސްކް ފޯހުން ދުވާފަރުގައި ރެއިޑް އޮޕަރޭޝަނެއް ހިންގާފައިވާ ކަމަށެވެ. 

ދުވާފަރު ކައުންސިލްގެ އެއްބާރުލުމާއެކު ހެނދުނު 8:00 އިން ހަވީރު 5:45 އަށް ކުރިއަށް ގެންދިޔަ މ ރެއިޑު އޮޕަރޭޝަންގައި 100 އަށްވުރެ ގިނަ ބިދޭސީން ބަލައި ފާސްކޮށް، އޭގެތެރެއިން 51 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް އެ އިދާރާ އިން ބުންޏެވެ.

ސަރުކާރުން ދަނީ ރާއްޖޭގައި އުޅޭ ހުރިހާ ބިދޭސީންގެ ބަޔޯމެޓްރިކްސް ޑޭޓާ ނެގުމަށް "ކުރަނގި" ނަމުގައި އޮޕަރޭޝަނެއް ހިންގަމުންނެވެ. މި އޮޕަރޭޝަނުގައި މިހާތަނަށް 6000 އަށްވުރެ ގިނަ ބިދޭސީންގެ މައުލޫމާތު ވަނީ އެއްކޮށްފަ އެވެ.

ސަރުކާރުގެ އަމާޒަކީ ކުރިއަށް އޮތް ދެ އަހަރުތެރޭ ހުރިހާ ބިދޭސީންގެ ޑޭޓާ ނެގުމެވެ. މި ޑޭޓާ ހުންނާނީ ކައުންސިލްތަކުގެ ބެލުމުގެ ދަށުގަ އެވެ.