ތައިމޫރު ގޮވައިގެން ސައިފް ރާއްޖޭގައި
ބޮލިވުޑުގެ ތަރިއެއްހާ މަޝްހޫރު ފިރިހެން ދަރިފުޅު ތައިމޫރު ގޮވައިގެން ކަރީނާ ކަޕޫރު ހާންގެ ފިރިމީހާ ސައިފް އަލީ ހާން ރާއްޖެ އަތުވެއްޖެ އެވެ.
ބޮލީވުޑް ސްޓާރު ސައިފް އާއި ތައިމޫރުގެ މި ދަތުރު ފެށި އިރު ކަރީނާ ކަޕޫރުވީ އާ ފިލްމެއްގެ ޝޫޓިންއެއްގައި ހަގު ދަރިފުޅު ޖަހާންގީރް ގޮވައިގެން ލަންޑަނަށް ގޮހެވެ.
ސައިފް އާއި ތައިމޫރު ރާއްޖޭގައި ހަފްތާއެއް ދުވަހު ރަނގަޅު ޗުއްޓީއެއް ހަދާނެ އެވެ. ދެބަފައި ޗުއްޓީގައި އައި ކޮން ރަށަކަށް ކަމެއް ސާފެއް ނުވެއެވެ. ނަމަވެސް ރިސޯޓްގައި ވަރަށް ބޮޑު ޕިއްޒާއެއް ތައިމޫރު ފިހާތަނާއި ރިސޯޓް އަތިރި މަތީގައި ޖައްސާލައިގެން ތިބޭތަން އާންމުކޮށްފައި ވެއެވެ. މީނޫނަސް އެ ދެބަފައިންގެ އުފާވެރި މަންޒަރުތައް ހިމެނޭ ބައެއް ފޮޓޯ އިންޑިއާގެ ނޫސްތަކުގައި ވެސް ޖާފައި ވެއެވެ.
ގާތްގަނޑަކަށް ހަފުތާއެއް ދުވަހު މި ދެބެއިން ރާއްޖޭގައި ހޭދަކުރާނެ ކަމަށްވެ އެވެ. އެކަމަކު އެމީހުން ޗުއްޓީ ހޭދަކުރަނީ ކޮން ރިސޯޓެއްގައި ކަމެއް ވެސް ނޭނގެ އެވެ.
ކޮމެންޓް
Republic of Maldives