ލަންކާގެ އާސިރީ ހޮސްޕިޓަލުތަކުން އާސަންދަ ކަނޑައިލި ވާހަކަ ދޮގުކޮށްފި

އެ ހޮސްޕިޓަލްތައް ހިންގާ، އާސިރީ ހެލްތު ގުރޫޕުން ބުނީ އާސަންދަ ކުންފުންޏާއެކު އޮތް ވަރުގަދަ ގުޅުން ދަމަހައްޓަމުން އަންނަ ކަމަށާއި އެކަމަށް އެއްވެސް ބަދަލެއް އައިސްފައިނުވާ ކަމަށެވެ.

ލަންކާގައި ހުންނަ އާސިރީ މެޑިކަލް ހޮސްޕިޓަލް

ސަރުކާރުން ބިލްތަކަށް ފައިސާ ނުދައްކާތީ، އަވަށްޓެރި ސްރީލަންކާގެ އާސިރީ ހޮސްޕިޓަލުތަކުން ދިވެހިންނަށް އާސަންދައިގެ ހިދުމަތް ކަނޑައިލި ކަމަށް ބުނެ ފަތުރަމުންދާ ވާހަކަތައް އެ ހޮސްޕިޓަލްތައް ހިންގާ ކުންފުނިން ދޮގުކޮށްފި އެވެ.

ލަންކާގައި ހުންނަ އާސިރީ މެޑިކަލް ހޮސްޕިޓަލާއި، އާސިރީ ސެންޓްރަލް ހޮސްޕިޓަލް އަދި އާސިރީ ސާޖިކަލް ހޮސްޕިޓަލުން ދިވެހިންނަށް އާސަންދައިގެ ހިދުމަތް ދިނުން މެދުކަނޑާލާފައިވާ ކަމަށް ބުނެ ސޯޝަލް މީޑިއާގައި ބައެއް ފަރާތްތަކުން ދަނީ ބުނަމުންނެވެ.

އެކަމާ ގުޅިގެން އެ ހޮސްޕިޓަލްތައް ހިންގާ، އާސިރީ ހެލްތު ގުރޫޕުން ބުނީ، އާސަންދަ ކުންފުންޏާއެކު އޮތް ވަރުގަދަ ގުޅުން ދަމަހައްޓަމުން އަންނަ ކަމަށާއި އެކަމަށް އެއްވެސް ބަދަލެއް އައިސްފައިނުވާ ކަމަށެވެ.

އަދި އާސިރީ ހޮސްޕިޓަލްތަކުން ފަރުވާ ހޯދާ ދިވެހިންނަށް އެންމެ ރަނގަޅު ފަރުވާ އާއި ހިދުމަތް ދިނުމަށް ކުރަމުންދާ މަސައްކަތުގައި ދެމިތިބޭނެ ކަމުގެ ޔަގީންކަން ވެސް އެ ހޮސްޕިޓަލުން ވަނީ ދީފަ އެވެ. 

އަދި މިކަމާ ގުޅޭގޮތުން އިތުރު މައުލޫމާތެއް ސާފުކުރަން ބޭނުންވާ ނަމަ، އެކަމަށް ހާއްސަކޮށްފައިވާ ޑިޕާޓްމަންޓާ ގުޅުމަށް ވެސް އެ ކުންފުނިން ވަނީ ދިވެހިންގެ ކިބައިން އެދިފަ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.