ޒުވާނުން ދުންފަތާ ދުރުކުރުވަން ގެންނަ "ޖެނެރޭޝަން ބޭން" ގައި ރައީސްގެ 3 ހުށަހެޅުއްވުމެއް
މިއަދު ކުރިއަށް ގެންދިޔަ މި ޕޮރަގްރާމުގެ ދެވަނަ އެޕިސޯޑުގައި ރައީސް ވިދާޅުވީ މިކަމާ ގުޅޭ ގޮތުން ދިރާސާ ކުރައްވައިގެން ކެބިނެޓް ކަރުދާހެއް ތައްޔާރުކުރެއްވުމަށް ހެލްތު މިނިސްޓަރު އަބްދުﷲ ނާޒިމް އިބްރާހީމްއާ ހަވާލުކުރައްވާފައިވާ ކަމަށެވެ.
ދުންފަތުގެ އިސްތިއުމާލުކުރުމަށް އަލަށް ވަންނަ ކުދިން އެކަމުން ދުރުކުރުމަށް "ޖެނެރޭޝަން ބޭން"ގެ ގޮތުގައި ފިޔަވަޅު އަޅން ރައީސް ޑރ. މުހައްމަދު މުއިއްޒު ހުށަހަޅުއްވާ ގޮތްތައް އެމަނިކުފާނު ހިއްސާ ކުރައްވައިފި އެވެ.
ރައީސް އޮފީހުން ކުރިއަށް ގެންދާ "ރައްޔިތުންގެ އަޑު" ޕޮޑްކާސްޓްގެ ފުރަތަމަ އެޕިސޯޑުގައި ރައީސް ވަނީ މިކަން ކުރައްވާނެ ކަމަށް ވިދާޅުވެފަ އެވެ. ނަމަވެސް ތަފްސީލެއް ނުދެއްވަ އެވެ.
މިއަދު ކުރިއަށް ގެންދިޔަ މި ޕޮރަގްރާމުގެ ދެވަނަ އެޕިސޯޑުގައި ރައީސް ވިދާޅުވީ މިކަމާ ގުޅޭ ގޮތުން ދިރާސާ ކުރައްވައިގެން ކެބިނެޓް ކަރުދާހެއް ތައްޔާރުކުރެއްވުމަށް ހެލްތު މިނިސްޓަރު އަބްދުﷲ ނާޒިމް އިބްރާހީމްއާ ހަވާލުކުރައްވާފައިވާ ކަމަށެވެ.
ރައީސް ވަނީ ޖެނެރޭޝަނަލް ބޭން، ކަނޑައެޅުއްވުމުގައި އެ މަނިކުފާނު ހުށައަޅުއްވާ ގޮތްތައް ހިއްސާކުރައްވާފަ އެވެ. އެއީ؛
- 2007 ވަނަ އަހަރުގެ ޖެނުއަރީ 1އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާކުރުން
- 2004 ވަނަ އަހަރުގެ ޖެނުއަރީ 1އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާކުރުން
- 2000 ވަނަ އަހަރުގެ ޖެނުއަރީ 1އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާކުރުން
"އެކުދިން ހަމަ އުމުރުން ދުވަސްވީ ވަރަކަށް ވެސް މަނާވާނެ. ކުރިއަށް އޮތްތާ އުމުރަގަ ވެސް ނުބޮވޭނެ ސިނގިރެޓެއް، ދުންފަތުގެ އިސްތިއުމާލެއް ނުކުރެވޭނެއޭ ގާނޫނުގެ ދަށުން،" ރައީސް ވިދާޅުވި އެވެ.
ރައީސް ވިދާޅުވީ މި އުމުރުފުރާތަކަކީ މިހާރު 18 އަހަރާއި 25 އަހަރާ ދެމެދުގެ މީހުން ކަމަށާއި، އެމީހުން ދުންފަތުގެ އިސްތިއުމާލު ކުރާތާ މާގިނަ ދުވަހެއް އަދި ނުވާނެ ކަމަށެވެ. އެހެންކަމުން އެމީހުން ދުންފަތުގެ ވަބާއިން ދުރުކުރުވަން ފަސޭހަވާނެ ކަމަށް އެމަނިކުފާނު ވިދާޅުވި އެވެ. ނަމަވެސް އުމުރުން 40-50 އަހަރު ވެފައިވާ މީހުންގެ ކިބައިން އެ އާދަ ކަނޑުވަން ވަރަށް އުނދަގޫވާނެ ކަން ވެސް ފާހަގަކުރެއްވި އެވެ.
"އަޅުގަނޑު ހަގީގަތުގަ ވެސް މިއުޅެނީ މި މައްސަލަ ހައްލުކުރަން. އަޅުގަނޑުމެންގެ ޅަ ދަރިން، ތުއްތު ކުދިން ހާއްސަކޮށް މި ނުރަގަޅު އާދައިގެ ތެރެއަށްދާން ދޫކޮށްލައިގެން ސަރުކާރެއް އޮންނަންވީ ސަބަބެއް އަޅުގަނޑަކަށް ނުވިސްނޭ. ސަރުކާރުގެ ޒިންމާތަކެއް އެބައޮތޭ އަޅުގަނޑު ގަބޫލުކުރަނީ،" ރައީސް ވިދާޅުވި އެވެ.
ކޮމެންޓް
Republic of Maldives