ލައްކައަކަށްވުރެ ގިނަ މަސް ދަޅު | ރޯދަ ހަދިޔާއަށް 81 މިލިއަން
ތަފާސް ހިސާބުތައް ދައްކާ ގޮތުން މިހާތަނަށް 111,231 މަސްދަޅު ކޭސް ވަނީ ގޭބިސީތަކުން ގެންގޮސްފަ އެވެ.
މިހާތަނަށް ލައްކައަކަށްވުރެ ގިނަ މަސް ދަޅު ބަހާފައިވާއިރު މި އަހަރުގެ ރޯދަ ހަދިޔާގެ ގޮތުގައި ސަރުކާރުން 81 މިލިއަން ރުފިޔާ ހަރަދުކޮށްފި އެވެ.
ތަފާސް ހިސާބުތައް ދައްކާ ގޮތުން މިހާތަނަށް 111,231 މަސްދަޅު ކޭސް ވަނީ ގޭބިސީތަކުން ގެންގޮސްފަ އެވެ. މިއީ މިފްކޯއިން ސަރުކާރަށް ޑިސްކައުންޓް ރޭޓުން ދީފައިވާ 730ރ. އަށް ކޭހެއްގެ މަގުން ބަލާނަމަ 81,198,630 މިލިއަން ރުފިޔާގެ ހޭދަ އެކެވެ.
މަސް ދަޅު ބަހާފައިވާ ގޮތް
- ރަށްރަށަށް - 60،712 މަސް ދަޅު ކޭސް
- މާލެއަށް - 50،519 މަސް ދަޅު ކޭސް
މައުލޫމާތުތައް ދައްކާ ގޮތުން މާލެއާއި ވިލިމާލެ އަދި ހުޅުމާލެއަށް ވުރެ ގިނައިން މަސް ދަޅު ބަހާފައިވަނީ ރަށްރަށުގަ އެވެ.
މިދިޔަ މަހު ކާޑު، މިއަހަރު މަސް ފަޅު
ރޯދަ ހަދިޔާގެ ގޮތުގައި ކޮންމެ އަހަރަކުވެސް ސަރުކާރުން ރޯދަ މަހު ބޭނުންވާނެ މުހިންމު ބާވަތެއް ދެ އެވެ. މިދިޔަ އަހަރު ދީފައިވަނީ ހަނޑޫ، ހަކުރު އަދި ފުށް ބަސްތާ އެކެވެ. މި އަހަރު ދީފައިވަނީ ކޮންމެ ގޭބިސީ އަކަށް މަސް ދަޅު ކޭހެކެވެ. މަސް ދަޅު ކޭސް އާއްމު ބާޒާރުގައި ވިއްކާ 760ރ. އަށެވެ. ނަމަވެސް މިފްކޯ އިން ސަރުކާރަށް މަސް ދަޅު ކޭސް ވިއްކާފައިވަނީ ޑިސްކައުންޓް ރޭޓުގައި 730ރ. އަށެވެ.
އާއްމުކޮށް އެންމެ ކުޑަ ގޭބިސީއަކުން ވެސް ދުވާލެއްގެ މައްޗަށް ދެ މަސް ދަޅު ބޭނުން ކުރެ އެވެ. އަދި ބޮޑެތި ގޭބިސީތަކުން ދުވާލެއްގެ މައްޗަށް ރޯދަ މަހު 4 މަސް ދަޅު ބޭނުން ކުރެ އެވެ.
ކޮމެންޓް
Republic of Maldives