"އޯޓިޒަމް ތަހައްމަލް ކުރާ ކޮންމެ ކުއްޖަކީ ވެސް ގައުމަށް މަންފާކޮށްދޭނެ އެތައް ހުނަރެއް ހުރި މޮޅު ކުދިން. އެކުދިންނަށް އަޅާލުމާ ލޯބި ދިނުމަކީ ގައުމީ ވާޖިބެއް،" ރައީސްގެ މެސެޖުގައި ވިދާޅުވި އެވެ.
އޯޓިޒަމް ކުދިންނަށް އަޅާލައި ލޯބި ދިނުމަކީ ގައުމީ ވާޖިބެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިފަދައިން ވިދާޅުވީ މިއަދު ފާހަގަކުރާ ދުނިޔޭގެ އޯޓިޒަމް ދުވަހާ ގުޅިގެން ފޮނުއްވި މެސެޖެއްގަ އެވެ.
ރައީސް ވިދާޅުވީ ކޮންމެ ދިވެހި ދަރިޔަކީ މި ގައުމަށް މުހިންމު އަގުހުރި ދަރިއެއް ކަމަށެވެ. އަދި އޯޓިޒަމް ކުދިންނަކީ ގައުމަށް މަންފާ ކުރާ، ހުނަރުން ފުރިގެންވާ ކުދިންތަކެއް ކަމަށް ވެސް އެމަނިކުފާނު ވިދާޅުވި އެވެ.
"އޯޓިޒަމް ތަހައްމަލް ކުރާ ކޮންމެ ކުއްޖަކީ ވެސް ގައުމަށް މަންފާކޮށްދޭނެ އެތައް ހުނަރެއް ހުރި މޮޅު ކުދިން. އެކުދިންނަށް އަޅާލުމާ ލޯބި ދިނުމަކީ ގައުމީ ވާޖިބެއް،" ރައީސްގެ މެސެޖުގައި ވިދާޅުވި އެވެ.
އޯޓިޒަމް އަކީ އުމުރުގެ ކުރީކޮޅު، އާންމުކޮށް ތިން އަހަރުގެ ކުރިން ފެށިގެން މުޅި އުމުރަށްވެސް ދެމިގެންދާ ކޮމްޕްލެކްސް ނިއުރޮލޮޖިކަލް އަދި ޑިވޮލެޕްމެންޓަލް ޑިސްއޯޑާ އެކެވެ. ރާއްޖޭގައި އޯޓިޒަމް ޖެހިފައިވާ އެތައް ކުދިންނެއް އެބަ ތިއްބެވެ.
ރައީސް ފާހަގަކުރެއްވި ފަދައިން އެކުދިންނަށް އާއިލާ އާއި ގާތް މީހުން އަދި މުޖުތަމައުގެ ލޯތްބާ އަޅާލުން ވަރަށް މުހިންމެވެ.