ފާޑުކިޔުންތަކަށް ރައްދު ދެއްވަމުން މިނިސްޓަރު ވިދާޅުވީ ދީނާ ހިލާފު ބިދުއަވެރި އަމަލުތަކުގެ ގޮތުގައި މި ޒަމާނުގެ ދީނީ އިލްމުވެރިން ފާހަގަކުރައްވާ ކަންކަން އެ ތަމްސީލުން އުނިކޮށްފައިވާ ކަމަށެވެ.
ދިވެހި ތަރިކަ އާއި ސަގާފަތް ދިރުވަން ކުރިއަށް ގެންދާ ހަރަކާތްތައް އިސްލާމީ އުސޫލުތަކުން ބޭރުނުވާނެހެން ކުރިއަށް ގެންދިޔުމަކީ ސަރުކާރުގެ ސިޔާސަތެއް ކަމަށް ދިވެހިބަހާއި ސަގާފަތާއި ތަރިކައާބެހޭ މިނިސްޓަރު އާދަމް ނަސީރު އިބްރާހިމް ވިދާޅުވެއްޖެ އެވެ.
މިނިސްޓަރު މިހެން ވިދާޅުވެފައިވަނީ އެ މިނިސްޓަރީ އިން ފިތުރު އީދު ފާހަގަ ކުރުމަށް ކުރިއަށް ގެންދިޔަ ހިއްޗަށް ދިއުމުގެ ހަރަކާތަށް ބައެއް ފަރާތްތަކުން ފާޑުކިއުމާ ގުޅިގެންނެވެ. ސަގާފީ މި ހަރަކާތް ކުރިއަށް ގެންގޮސްފައި ވަނީ އީދު ދުވަހުގެ ރޭ މާލޭގެ މަގުތަކުގަ އެވެ.
ހިއްޗަށް ދިއުމުގެ ހަރަކާތް ކުރިއަށް ގެންގޮސްފައި ވަނީ އެކަމަށް ހާއްސަ ކޮމެޓީއަކުން ފާސްކޮށްގެންނެވެ. އެ ކޮމެޓީގައި ތާރީހު އިލްމުވެރިންނާއި، ކުރީ ޒަމާނުގައި މި ހަރަކާތް ކުރިއަށް ގެންދަނިކޮށް ދުށް މީހުން ހިމެނެ އެވެ.
ފާޑުކިޔުންތަކަށް ރައްދު ދެއްވަމުން މިނިސްޓަރު ވިދާޅުވީ ދީނާ ހިލާފު ބިދުއަވެރި އަމަލުތަކުގެ ގޮތުގައި މި ޒަމާނުގެ ދީނީ އިލްމުވެރިން ފާހަގަކުރައްވާ ކަންކަން އެ ތަމްސީލުން އުނިކޮށްފައިވާ ކަމަށެވެ. އަދި އެއީ އެނގިގެން މަޝްވަރާކުރެވިގެން ގަސްދުގައި ކުރި ކަމެއް ކަމަށް ވެސް ވިދާޅުވި އެވެ.
އެގޮތުން، ޒިޔާރަތްތަކަށް ގޮސް ކުރެވޭ ބައެއް ކަންކަކަމާއި، މިހާރުގެ ހާލަތާއި ނުގުޅޭ ބައެއް ކަންކަން ޒަމާނުގެ ހާލަތަށް ފައްތާފައިވާނެ ކަމަށް މިނިސްޓަރު ވިދާޅުވި އެވެ.
ދީނީ ހަމަތަކާ އެއްގޮތަށް ކުރިއަށް ގެންދިއުމުގެ ގޮތުން އުނިކުރި ކަންތައްތައް ފިޔަވައި ހިއްޗަށް ދިއުމުގެ ހަރަކާތުން ފެނުނު ހުރިހާ ކަމެއްވެސް އަސްލާ އެއްގޮތް ވާނެ ކަމަށް ވެސް މިނިސްޓަރު ވިދާޅުވި އެވެ. އަދި އަސްލާ އެއްގޮތް ކުރުމުގެ މަގުސަދުގައި ތާރީހުގެ ހަރަކާތްތައް ހުށަހަޅައިދޭއިރު ދީނީ ހަމަތަކާއި އުސޫލުން ބޭރު ނުވާނެކަން ކަށަވަރު ކުރަށްވާނެ ކަމަށްވެސް ވިދާޅުވި އެވެ.
އެވޭލާ ފޮޓޯތަކަށް ބަލާއިރު ހިއްޗަށް ދިއުމުގެ ރަސްމިއްޔާތުގައި ލޮންސިވެރީން އޭރު ތިބެނީ މަތިހަށި ހުހަށް ހުސްގަޔާ އެވެ. ހިނގަނީ ހުސްފައިގަ އެވެ. ނަމަވެސް އޭގެ ފަހުގެ ފޮޓޯތަކުގައި ލިބާސް ލައިގެން ތިބޭތީ ފެނެ އެވެ. މި ދެ ގޮތުގެ ތެރެއިން ކޮމިޓީއަށް ފެނުނީ ހިއްޗަށް ދިއުމުގެ ހަރަކާތުގައި ލިބާސް ލައި އަދި ހުސްފައިގައި ބައިވެރީން ނުހިންގުމަށެވެ. އެއީ ކުރީގައި މާލޭގެ މަގުތަކުގައި ހިމުން ދޮންވެލީގެ މަގުތައް ހުއްޓަސް މިހާރުގެ މަގުތައް ތަފާތުވީމަ އެވެ.