ޝައިން ލާނާސްއަށް 11 އަހަރު | 11 ދަރިވަރަކަށް ސްކޯލާޝިޕް

ޝައިން ލާނާސް ޕްރީ ސްކޫލަށް 11 އަހަރު ފުރުމާ ގުޅިގެން، މިފެށޭ ދިރާސީ އަހަރު އެ ސްކޫލުގައި ކިޔަވާ 11 ދަރިވަރަކަށް ސްކޯލާޝިޕް ދޭން ނިންމައިފި އެވެ.

މާލޭގައި އެއް ކެމްޕަސް އަދި ހުޅުމާލޭގައި ދެ ކެމްޕަސް ގާއިމްކޮށްގެން، ތައުލީމް ފޯރުކޮށްދެމުން އަންނަ ޝައިން ލާނާސް ޕްރީސްކޫލުން ބުނީ، މި ސްކޮލާޝިޕް ފުރުސަތުތައް ލިބޭނީ އޭޕްރީލް ދޭއްގެ ނިޔަލަށް އެ ސްކޫލުގައި ރަޖިސްޓްރީވެފައިވާ ދަރިވަރުންނަށް ކަމަށެވެ.

މި ސްކޮލާޝިޕް ލިބޭ ދަރިވަރުން ހޮވާނީ އަންނަ މަހުގެ ދޭއްގެ ނިޔަލަށް ސްކޫލުގައި ރަޖިސްޓްރީވެފައިވާ ދަރިވަރުންގެ ތެރެއިންނެވެ. އަދި ސްކޮލާޝިޕް ފުރުސަތު ލިބޭ 11 ދަރިވަރުން ކުރިއަށް އޮތް ދިރާސީ އަހަރު ސްކޫލަށް ފީ ދައްކަށް ނުޖެހޭނެ އވެ. މި ސްކޯލާޝިޕް ނަގާނީ ކޮންމެ ޕްރޮގްރާމެއް ވެސް ވަކިން ކަނޑައެޅިފައިވާ އަދަދަކަށް ކަމަށް އެ ސްކޫލުން ބުނެ އެވެ.

ސްކޮލާޝިޕް ލިބޭ ދަރިވަރުން ހަތަރެއް އޭޕްރީލްގައި އޮންނަ އެ ސްކޫލްގެ އޮރިއެންޓޭޝަން ބައްދަލުވުމުގަ އެވެ. މި ބައްދަލުވުމުގެ މައުލޫމާތު ބެލެނިވެރިންނާ ހިއްސާކުރާނެ ކަމަށާއި، މި ބައްދަލުވުމުގައި ބެލެނިވެރިން ބައިވެރިވުމަކީ މުހިންމު ކަމެއް ކަމުގައި އެ ސްކޫލުން ބުނެ އެވެ.