ކަސްޓަމްސް އިން ބުނީ މިއަދު ފަތިހު ހިންގި އޮޕަރޭޝަނެއްގައި މިދިޔަ ބުދަ ދުވަހު ކަނޑުމަގުން ރާއްޖެއައި ޝިޕްމެންޓެއް ބަލައިފާސްކުރި އިރު ބަރުދަނުގައި ޖުމްލަ 3.534 ކިލޯ ގްރާމް ހުރި މަސްތުވާތަކެތި އަތުލައިގެންފައިވާ ކަމަށެވެ.
ކަނޑުގެ މަގުން ރާއްޖެ އެތެރެކުރަން އުޅުނު ހަ މިލިއަން ރުފިޔާގެ މަސްތުވާތަކެތި ކަސްޓަމްސް އިން އަތުލައިގެންފި އެވެ.
ކަސްޓަމްސް އިން ބުނީ މިއަދު ފަތިހު ހިންގި އޮޕަރޭޝަނެއްގައި މިދިޔަ ބުދަ ދުވަހު ކަނޑުމަގުން ރާއްޖެއައި ޝިޕްމެންޓެއް ބަލައިފާސްކުރި އިރު ބަރުދަނުގައި ޖުމްލަ 3.534 ކިލޯ ގްރާމް ހުރި މަސްތުވާތަކެތި އަތުލައިގެންފައިވާ ކަމަށެވެ.
އަތުލައިގަތް ތަކެތީގައި ހިމެނެނީ 2138 ގްރާމް މެތަމްފެޓަމިން އާއި 1086 ގްރާމް ކެޓަމިން އަދި 310 ގްރާމް ހެރޮއިން އެވެ.
"މި ތަކެތީގެ މަގުމަތީ އަގަކީ 6.7 މިލިއަން ދިވެހި ރުފިޔާ،" ކަސްޓަމްސް އިން މައުލޫމާތު ދިނެވެ.
މި މައްސަލަ އިތުރަށް ތަހުގީގު ކުރުމަށްޓަކައި އަތުލައިގަނެވުނު މަސްތުވާތަކެތި މިހާރު ދިވެހި ފުލުހުންގެ ހިދުމަތާ ހަވާލުކުރައްވާފައިވާ ކަމަށްވެސް ކަސްޓަމްސްއިން ބުންޏެވެ.