އެ ހިސާބުތަކަށް ބަލާއިރު ފެބްރުއަރީ ނިޔަލަށް ރަސްމީ ރިޒާވްގެ ގޮތުގައި ހުރީ 832.1 މިލިއަން ޑޮލަރެވެ.
ބޭނުންކުރެވޭ ރިޒާވްގެ ގޮތުގައި ހުރި ފައިސާގެ އަދަދު 179 މިލިއަން ޑޮލަރަށް އަރާފަައިވާ ކަމަށް މަރުކަޒީ ބޭންކުގެ ހިސާބުތަކުން ދައްކައިފި އެވެ.
ކޮންމެ މަހެއް ނިމުމުން އެ މަހެއްގެ ރިޒާވްގެ ހިސާބުތައް އެމްއެމްއޭއިން އާންމުކުރަމުންދާއިރު، ފާއިތުވި ފެބްރުއަރީ މަހުގެ ނިޔަލަށް ރިޒާވްގެ ހިސާބުތައް އެމްއެމްއޭއިން މިހާރުވަނީ އާންމުކޮށްފަ އެވެ. އެ ހިސާބުތަކަށް ބަލާއިރު ފެބްރުއަރީ ނިޔަލަށް ރަސްމީ ރިޒާވްގެ ގޮތުގައި ހުރީ 832.1 މިލިއަން ޑޮލަރެވެ.
ކުރިއަށް އޮތް 12 މަސްދުވަހުގެ ތެރޭގައި އަަދާކުރަންޖެހޭ މާލީ އިލްތިޒާމުތައް ނުވަތަ ޕްރިޑިޓާމައިންޑް ޝޯޓް ޓާމް ނެޓް ޑްރެއިންސްގެ ގޮތުގައި މާލީ ހިސާބުތަކުން ދައްކަނީ 758.6 މިލިއަން ޑޮލަރެވެ.
ރިޒާވް ވަރަށް ބޮޑަށް ދަށްވުމަކީ ރާއްޖޭގެ ކްރެޑިޓް ރޭޓިން ދަަށްކުރުމަށް ކްރެޑިޓް ރޭޓިން އެޖެންސީތައްކަމަށްވާ ފިޗްއާއި މޫޑީސްއިން ނިންމައި މައިގަަނޑު ސަބަބެވެ. ސަރުކާރުންވަނީ ރިޒާވް ބޭންކް އޮފް އިންޑިޔާއާއެކު ކަރަންސީ ސްވޮޕު އެއްބަސްވުމެއް ގާއިމުކޮށް 400 މިލިއަން ޑޮލަރު ރިޒާވްއަށް އިތުރުކޮށްފަަ އެވެ.
ރާއްޖޭގެ ބޭންކުތަކުގައި އިންވެސްޓުކޮށްފައި ހުރި ފައިސާއަކީ މި ކަރަންސީ ސްވޮޕުގެ ތެރެއިން ލިބުނު ފައިސާ އެވެ. ކަރަންސީ ސްވޮޕާއެކު ބޭރު ފައިސާގެ ރިޒާވްގެ ހާލަތު ވަރަށް ބޮޑަށް ރަނގަޅުވި ނަމަވެސް ރިޒާވްއަށް ބޮޑު ކުރިއެރުމެއް އަންނާނެކަމަށް ބެލެވެނީ މި ޖަނަވަރީ މަހުން ފެށިގެން ބޭންކުތަކަށް ބޭރު ފައިސާ ޖަމާކޮށް މާރުކުރުން ލާޒިމުވުމާ ހަމައިންނެވެ.