ހުޅުމާލޭގައި ތަރައްގީކުރާ އާ މިސްކިތުގެ ބިންގާ ރައީސް އަޅުއްވައިދެއްވައިފި
މަދީނާ އިންވެސްޓްމަންޓްގެ މެނޭޖްމަންޓުގެ ދަށުން އަމާރާތްކުރާ މި މިސްކިތަކީ، އިލްމުވެރިޔާ މ. ތޮއިބާ، އިސްމާއީލް މުހައްމަދު (ތޮއިބާ އިސްމާއިލް)ގެ ހަރަދުގައި ބިނާކުރާ މިސްކިތެކެވެ.
ހުޅުމާލޭގައި އަލަށް ގާއިމް ކުރާ މަސްޖިދު އުންމުލްމުއުމިނީ އާއިޝާ رضی اللہ عنھا މިސްކިތުގެ ބިންގާ ރައީސް ޑރ. މުހައްމަދު މުއިއްޒު މިއަދު އަޅުއްވައިދެއްވައިފި އެވެ.
ހުޅުމާލޭ ފުރަތަމަ ފިޔަވަހީގެ ވަގުތީ މިސްކިތް ކުރިން ހުރި ބިމުގައި ބިނާކުރާ މި މިސްކިތުގެ ބިންގާ ރައީސް އަޅުއްވައިދެއްވީ، އެކަމަށްޓަކައި މިއަދު ބޭއްވެވި ހާއްސަ ރަސްމިއްޔާތެއްގަ އެވެ.
މަދީނާ އިންވެސްޓްމަންޓްގެ މެނޭޖްމަންޓުގެ ދަށުން އަމާރާތްކުރާ މި މިސްކިތަކީ، އިލްމުވެރިޔާ މ. ތޮއިބާ، ޝައިހް އިސްމާއީލް މުހައްމަދު (ތޮއިބާ އިސްމާއިލް)ގެ ހަރަދުގައި ބިނާކުރާ މިސްކިތެކެވެ.
މި މިސްކިތަކީ ދެ ފަންގިފިލާއަށް، 2000 މީހުންނަށް އެއްފަހަރާ ނަމާދުކުރެވޭނެ ޖާގަ ލިބޭނެހެން ގާއިމް ކުރާ މިސްކިތެކެވެ. މި މިކިތް ނިސްބަތް ކުރައްވާފައި ވަނީ ކީރިތި ރަސޫލާގެ އަނބިކަނބަލުން އުންމުލްމުއުމިނީން އާއިޝާ رضی اللہ عنھا އަށެވެ.
ރިސާޗް ލައިބްރަރީއަކާއެކު ބިނާކުރާ މި މިސްކިތުގައި އަންހެނުންނަށް ނަމާދު ކުރެވޭ ޖާގައަކާއި، އަންހެނުންނަށް ހާއްސަ ފާހާނާއެއް ވެސް ހިމެނުމަށް ވަނީ ހަމަޖެހިފަ އެވެ. އަދި މި މިސްކިތުގައި ކަރަންޓު އުފެއްދުމަށް ނިންމާފައިވަނީ، އިރުގެ ހަކަތަ ބޭނުންކޮށްގެންނެވެ.
ކޮމެންޓް
Republic of Maldives