ރައީސް، މަޖިލީސް ރައީސާއި ބައްދަލު ކުރެއްވި ސަބަބު ސާފުކޮށްދީފި

މި ބައްދަލްކުރެއްވުން މި ބޭއްވުނީ ރައީސް މުއިއްޒާއި އަބްދުއްރަހީމްގެ ގުޅުން ނުތަނަވަސް ކަމެއްގައި އޮތް ކަމަށް ވާހަކަ ދެކެވެމުން ދަނިކޮށެވެ.

ރައީސް ޑރ. މުހައްމަދު މުއިއްޒު މަޖިލީހުގެ ރައީސް އަބްދުއްރަހީމް އަބްދުﷲއާ ބައްދަލުކުރައްވަނީ --

ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲއާ ބައްދަލުކުރެއްވި ސަބަބު ރައީސް އޮފީހުން ސާފުކޮށްދީފި އެވެ.

މިއަދުގެ ބައްދަލްވުން އޮތީ ހެނދުނު ރައީސް އޮފީހުގަ އެވެ.

ރައީސް އޮފީހުގެ ތަރުޖަމާން ހީނާ ވަލީދު ވިދާޅުވީ ‏ރައީސުލްޖުމްހޫރިއްޔާ ޑރ މުހައްމަދު މުއިއްޒު ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އާއި ޕީއެންސީގެ ޕީޖީ ލީޑަރު އިބްރާހީމް ފަލާހްއާއެކު ބައްދަލު ކުރައްވާފައި ކަމަަށެވެ.

މި ބައްދަލުކުރެއްވުމުގައި ރައްޔިތުންގެ މަޖިލީހަށް މި އަހަރުގެ މި ފެށުނު ދައުރުގައި ސަރުކާރުގެ ފަރާތުން ފޮނުއްވަންހުރި ބިލްތަކާމެދު މަޝްވަރާ ކުރެއްވި ކަމަށް ހީނާ ވިދާޅުވި އެވެ.

" މި ބައްދަލުކުރެއްވުމަކީ، މިދިޔަ އަހަރުވެސް ކޮންމެ ދައުރެއްގެ ކުރީކޮޅު ކުރިއަށްގެންދަވާފައިވާ ފަދަ މަޝްވަރާ ބައްދަލުވުމެއް،" ބައްދަލްވުމުގެ ތަފްސީލު ހާމަކުރައްވާ ހީނާ ވިދާޅުވި އެވެ.

މި ބައްދަލްކުރެއްވުން މި ބޭއްވުނީ ރައީސް މުއިއްޒާއި އަބްދުއްރަހީމްގެ ގުޅުން ވަރަށް ބޮޑު ނުތަނަވަސް ކަމެއްގައި އޮތް ކަމަށް ވާހަކަ ދެކެވެމުން ދަނިކޮށެވެ.

އަބްދުއްރަހީމަކީ ރައީސް މުއިއްޒު، ރައީސް ކަމުގައި ހުންނެވި ޕީއެންސީގެ ޗެއާޕާސަން ވެސް މެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.