ހުޅުމާލެ ހޮސްޕިޓަލުގައި 30 އެނދުގެ ޑައިލިސިސް ސެންޓަރެއް ހަދަން ހަވާލުކޮށްފި
މި މަސައްކަތް ހަވާލުކުރީ މެޑްޓެކް ކުންފުންޏަށެވެ. ޑައިލިސިސް ސެންޓަރު ހަދަން މެޑްޓެކަށް ސަރުކާރުން ފައިސާއެއް ނުދޭނެ އެވެ.
ރާއްޖޭގެ އާބާދީގެ ބޮޑު ބައެއް ދިރިއުޅެމުން ގެންދާ ހުޅުމާލެގައި ހިނގާ ހޮސްޕިޓަލުގައި 30 އެނދުގެ ޑައިލިސިސް ސެންޓަރެއް ހަދަން މެޑްޓެކް ކުންފުންޏާ ހަވާލުކޮށްފި އެވެ.
އެ ހޮސްޕިޓަލުގައި އިއްޔެ ބޭއްވި ރަސްމިއްޔާތެއްގައި ދެ މަސް ދުވަހުގެ ތެރޭގައި މަސައްކަތް ނިންމަން ހަވާލުކުރުމުގެ އެއްބަސްވުމުގައި މާލެ ހޮސްޕިޓަލްސް ގްރޫޕްގެ ސީއީއޯ އިބްރާހިމް އަބްދުއްރައްޒާގު ހަލީމާއި މެޑްޓެކްގެ ޗެއާމަން އަހުމަދު ހައިކަލް އެވެ.
މަޝްރޫއު ހަވާލުކުރި ގޮތް - މި މަސައްކަތް ކުރަން ކުރި އިއުލާނާއެކު ޑައިލިސިސް ސެންޓަރު ހަދަން ތިން ފަރާތަކުން ކުރިމަތިލި އެވެ. ނަމަވެސް ފަހުން ވަނީ އޭގެ ތެރެއިން ދެ ފަރާތެއްގެ ނަން އަނބުރާ ގެންގޮސްފަ އެވެ. ޑައިލިސިސް ސެންޓަރު ހަދަން މެޑްޓެކަށް ފައިސާއެއް ނުދޭނެ އެވެ. މިކަން ކުރިއަށް ގެންދާނީ މެޑްޓެކަށް ދޭނީ އެ މެޝިނަރީޒް ހިންގަން ބޭނުންކުރާ ރީއެޖެންޓު ގަންނާށެވެ. މިއީ، މި ބާވަތުގެ މަޝްރޫއުތައް ކުރިއަށް ގެންދާ ގޮތެކެވެ.
ހުޅުމާލެ ހޮސްޕިޓަލްގައި އަހަރެއްގެ މައްޗަށް ތިން ލައްކައެއްހާ މީހުން ފަރުވާ ހޯދަ އެވެ. މި ވަގުތު މިތަނުގައި ޑައިލިސިސް ހަދަނީ 10 އެނދު ހުރެ އެވެ. ސަރުކާރުން އަންނަނީ ހުޅުމާލެ ހޮސްޕިޓަލް ހިންގާ ބިމުގައި 250 އެނދުގެ އާ ހޮސްޕިޓަލެއް އެޅުމުގެ މަސައްކަތް ކުރަމުންނެވެ
ކޮމެންޓް
Republic of Maldives