އިލެކްޝަންސް ކޮމިޝަން (އީސީ)ގެ ރައީސަކަށް މުހައްމަދު ޒާހިދު އަދި ނައިބު ރައީސްކަމަށް އަބްދުއްރަހްމާން ސޮލާހު ރަޝީދު، ރައީސް ޑރ. މުހައްމަދު މުއިއްޒު އިއްޔެ އައްޔަނުކުރައްވައިފި އެވެ.
އިލެކްޝަންސް ކޮމިޝަން (އީސީ)ގެ ރައީސަކަށް މުހައްމަދު ޒާހިދު އަދި ނައިބު ރައީސްކަމަށް އަބްދުއްރަހްމާން ސޮލާހު ރަޝީދު، ރައީސް ޑރ. މުހައްމަދު މުއިއްޒު އިއްޔެ އައްޔަނުކުރައްވައިފި އެވެ.
ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރުސީއެމް)ގެ ކުރީގެ ނައިބު ރައީސް ޒާހިދާއި އީސީގެ ސެކްރެޓަރީ ޖެނެރަލްކަން ކުރެއްވި ސޮލާހު، އަކީ އީސީއަށް އެންމެ ފަހުން އައްޔަނުކުރެއްވި ދެ ބޭފުޅުންނެވެ.
މި ދެ ބޭފުޅުން، އީސީގެ އެންމެ އިސް ދެ މަގާމަށް އައްޔަނުކުރަން މަޖިލީހުން ރުހުން ދިނީ މިދިޔަ ހޯމަ ދުވަހު އެވެ.
އެއާ އެކު، އިއްޔެ ރައީސް އޮފީހުގައި ބޭއްވި ރަސްމިއްޔާތެއްގައި، ރައީސް ވަނީ އެ ދެ ބޭފުޅުން އެ މަގާމުތަކަށް އައްޔަނުކުރައްވައިފަ އެވެ.
އީސީގެ ގާނޫނަށް މިދިޔަ އަހަރުގެ ތެރޭގައި ގެނައި އިސްލާހުގެ ދަށުން، އެ ކޮމިޝަނުގެ މެމްބަރުންގެ ތެރެއިން ރައީސާއި ނައިބު ރައީސަކު މަޖިލީހުގެ ރުހުމާ އެކު އައްޔަނުކުރައްވާނީ ރައީސުލްޖުމްހޫރިއްޔާ އެވެ.
އީސީގެ މެމްބަރުކަމުގެ ދެ މަގާމެއް ހުސްވީ ކޮމިޝަންގެ ކުރީގެ ނައިބު ރައީސް އަލީ ނަޝާތާއި މެންބަރު މުހައްމަދު އާސިފް މަގާމުން ވަކިކުރުމާ ގުޅިގެންނެވެ. އެ ދެ މެންބަރުން ވަކިކުރީ ހިޔާނާތާއި މަގާމުގެ ނުފޫޒު ނަހަމަ ގޮތުގައި ބޭނުންކުރި ކަމުގެ މައްސަލަތަކަކާ ގުޅިގެންނެވެ.