ޓޫރިޒަމް އިސްތިހާރު ކުރަން ދުނިޔެއަށް ހުޅުވާލައިގެން މަސްވެރިކަމުގެ މުބާރާތެއް

މި އެއްބަސްވުމުގެ ދަށުން ޓީވީއެމް އާއި ގުޅިގެން މައިގަނޑު ހަތަރު ޕްރޮގްރާމެއް އުފައްދާނެ އެވެ. ކުރިއަށް ގެންދާ ބުރުނުބޮމަ މުބާރާތަކީ ކެޗް އެންޑް ރިލީޒް އުސޫލުގެ ތެރެއިން ކުރިއަށް ގެންދާ ދެމެހެއްޓެނިވި މަސްވެރިކަމުގެ މުބާރާތެކެވެ.

ޕީއެސްއެމް އާއި އެމްއެމްޕީއާރުސީން އިން އެއްބަސްވުން ބަދަލު ކުރަނީ

ރާއްޖޭގެ ޓޫރިޒަމް އިސްތިހާރު ކުރަން ދުނިޔެ އަށް ހުޅުވާލައިގެން މަސްވެރިކަމުގެ މުބާރާތެއް ބޭއްވުމުގެ އިތުރުން އިތުރު ތިން ހަރަކާތެއް ހިންގަން ގައުމީ ޓީވީ އާއި އެމްއެމްޕީއާރުސީއިން ސޮއިކޮށްފި އެވެ. 

ރާއްޖޭގެ ޓޫރިޒަމް ޕްރޮމޯޓްކުރުމަށް ޕީއެސްއެމްއާއި އެމްއެމްޕީއާރުސީއާ ދެމެދު އެކުލަވާލި އެއްބަސްވުމުގައި ޕީއެސްއެމްގެ ފަރާތުން ސޮއިކުރެއްވީ މެނޭޖިންގް ޑިރެކްޓަރ އިބްރާޙީމް ނަސްރީންއެވެ. އަދި އެމްއެމްޕީއާރްސީގެ ފަރާތުން ސޮއިކުރެއްވީ އެކުންފުނީގެ މެނޭޖިންގް ޑިރެކްޓަރ އިބްރާހީމް ޝިއުރީ އެވެ.

މި ރަސްމިއްޔާތުގައި ޕީއެސްއެމްއިން ވަނީ އެ ޗެނަލުގެ ޑެސްޓިނޭޝަން ޓީވީ ޗެނަލް، މޯލްޑިވްސް ޓީވީ ލޯންޗުކޮށްފަ އެވެ. މޯލްޑިވްސް ޓީވީއަކީ ރާއްޖޭގެ ރީތި މަންޒަރުތައް ބޭރުޤައުމުތަކަށް އަދި ފަތުރުވެރިންނަށް ދެއްކުމަށް ހާއްސަކޮށްގެން ގެނެސްދޭ ޗެނަލެކެވެ. ޓީވީ ލޯންޗްކޮށްދެއްވީ ތިމާވެއްޓާއި ބެހޭ ވަޒީރު ތޯރިޤް އިބްރާހީމް އެވެ.

ޕީއެސްއެމްއާއި އެމްއެމްޕީއާރުސީން ހިންގާނެ ހަތަރު ހަރަކާތެއް

  • ވިޒިޓް މޯލްޑިވް ބުކް އޮފް ރެކޯޑްސް - ތާރީޙީ ގޮތުން ފާހަގަކޮށްލެވޭ މުހިންމުކަންކަން ގެނެސްދޭނެ މަސައްކަތެއް
  • ދޫނިއޭ ވްރެކް - މަތިންދާ ބޯޓެއް ފައްތައިގެން ޑައިވް ސައިޓެއް ތަރައްގީ ކުރުމަށް ކުރެވޭ މަސައްކަތެއް
  • ބުރުނުބޮމަ - ކެޗް އެންޑް ރިލީޒް އުސޫލުގެ ތެރެއިން ކުރިއަށް ގެންދާ ދެމެހެއްޓެނިވި މަސްވެރިކަމުގެ މުބާރާތެއް
  • ވިޒިޓް މޯލްޑިވްސް ހެކަތަން - ޑެސްޓިނޭޝަން މާކެޓިން ހައްލުތައް ހޯދުމަށް އިންތިޒާމުކުރާ ހަރަކާތެއް

ބުރުނު ބޮމާއަކީ ދުނިޔޭގެ އެކި ކަންކޮޅުތަކުގެ މަސްވެރިންނަށް ހުޅުވާލެވިފައިވާ ތިން ދުވަހުގެ މުއްދަތަށް ކުރިއަށްގެންދާ ބައިނަލްއަގުވާމީ މަސްވެރިކަމުގެ މުބާރާތެކެވެ. މެއި މަހުގެ ދެ ވަނަ ދުވަހުން ފެށިގެން މެއި މަހުގެ ހަތަރު ވަނަ ދުވަހުގެ ނިޔަލަށް ކުރިއަށްގެންދާ މި ހަރަކާތުގައި ޓީމްވޯކް ސްޕޯޓްސްމޭންޝިޕް އަދި ދެމެހެއްޓެނިވި މަސްވެރިކަމުގެ އާދަތައް ހިފަހައްޓައިގެން ޝަރަފުވެރި އިނާމުތަކަށް ޓީމުތައް ވާދަކުރާނެ އެވެ. ދުނިޔޭގެ ފެންވަރުގެ މަސްވެރިކަމުގެ މަންޒިލެއްގެ ގޮތުގައި ރާއްޖޭގެ އަގު ވަޒަންކޮށް، ބައިވެރިންނަށް ހަނދާން ނައްތާނުލެވޭ ވަރުގެ ތަޖުރިބާއެއް ބުރުނު ބޮމާއިން ލިބިގެންދާނެ އެވެ.

ދޫނިއޭ ރެކްއަކީ އެމްއެމްޕީއާރުސީ، އެޗްޑީސީ އަދި އެމްޓީސީސީއިން މެރިން ކޮންޒަވޭޝަންގެ ބިންގާ އެޅުމުގެ ގޮތުން ކުޑަގިރީގައި އައިކޮނިކް ޑައިވް ސައިޓެއް އިފްތިތާހު ކުރުމުގެ މަގުސަދުގައި ދެ ޑޯނިއާ މަތިންދާ ބޯޓު ފައްތާ، ހިތްގައިމު އާޓިފިޝަލް ރީފް އީކޯ ސިސްޓަމްއެއް މިހަރަކާތުން އުފެދިގެންދާނެ އެވެ. ދޫނި އަދު ޑޯނިއޭ މިދެބަސް އެއްކޮއްލައިގެން "ދޫނިއޭ" ގެ ނަމުން ނަން ދީފައިވާ މި ޕްރޮޖެކްޓަކީ ކަނޑުގެ ދިރުންތައް އާލާކުރުމަށާއި ދެމެހެއްޓެނިވި ފަތުރުވެރިކަމަށް ރާއްޖެއިން ކުރާ މަސައްކަތުގެ މައްޗަށް އަލިއަޅުވާލާ ޕްރޮޖެކްޓެކެވެ. ފަތުރުވެރިކަމުގެ ސިނާއަތާއި މެރިން ކޮންޒަވޭޝަން ސްޓޭކްހޯލްޑަރުންނާއި ސަރުކާރާއި ދެމެދު އޮންނަ ގުޅުން އިތުރަށް ބަދަހިވެގެންވެސްދާނެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.