އިސްރާއިލްގެ ހަރުކަށި މީހަކު ގުއަޓަމާލާ އިން ހައްޔަރުކޮށްފި
އޭނާ ހިމެނޭ ޖަމާއަތުން ވަނީ ކުދިން ވިއްކުމާއި މީހުން ރަހީނު ކުރުމުގެ އެތައް އަމަލެއް ހިންގާފަ އެވެ.
އެތަށް ކުއްތަކަށް އަރައިގެންފައިވާ އިސްރާއިލްގެ ހަރުކަށި ޖަމާއަތަށް ނިސްބަތްވާ މީހަކު ގުއަޓަމާލާ އިން ހައްޔަރުކޮށްފި އެވެ.
ދުނިޔޭގެ ފުލުހުންގެ ޖަމިއްޔާ އިންޓަޕޯލްގެ އެހީތެރިކަމާއެކު ހައްޔަރުކޮށްފައިވަނީ އިސްރާއިލްގެ ހަރުކަށި ޖަމާއަތަކަށް ނިސްބަތްވާ ޔޯއެލް އަލްޓާ އެވެ. އޭނާގެ މައްޗަށް ކުޑަކުދިން ވަގަށް ނެގުމާއި މީހުން އަސީރުކޮށްގެން ފައިސާ ހޯދަން އަދި މީހުން މެރުންފަދަ އެތައް ތުހުމަތެއް ކުރެވެ އެވެ.
ޔޯއެލް އަލްޓާ ނިސްބަތްވާ އަލްޓްރާ އޯތޮޑޮކްސް ޔަހޫދީ ކަލްޓް ޖަމާއަތަކީ 1988 އިން ފެށިގެން އިސްރާއިލްގައި އޮޕަރޭޓް ކުރަމުން ގެންދާ ޖަމާއަތެކެވެ. ނަމަވެސް މި ޖަމާއަތް މެކްސިކޯ އާއި ގުއަޓަމާލާގައި ހަރަކާތްތެރިވާން ފަށާފައިވަނީ 2014 ވަނަ އަހަރުން ފެށިގެންނެވެ.
ގުއަޓަމާލާ ސަލާމަތީ ބާރުތަކުން އަލްޓާއަށް ފާރަލަމުންދާތާ ދުވަސްތަކެއް ވަނީ ވެފަ އެވެ. މީނާ ހިމެނޭ ޖަމާއަތުން ރަހީނުކޮށް އިންސާނީ ވަގުފާރީގެ ގޮތުގައި ބޭނުން ކުރަމުން ދިޔަ އަންހެނުންނާއި ކުޑަކުދިންތަކެއްވެސް މިދިޔަ އަހަރުގެ ޑިސެމްބަރު މަހު ވަނީ އެ ގައުމުގެ ފުލުހުން ހޯދާފަ އެވެ. އެފަހަރު ފުލުހުން ސަލާމަތް ކުރި މީހުންގެ ތެރޭގައި 160 ކުޑަކުދިންނާއި 40 އަންހެނުން ހިމެނެ އެވެ.
ކޮމެންޓް
Republic of Maldives