ތިނަދޫ ސިޓީ ހައުސިން ޔުނިޓުތައް ކައުންސިލުން ދޫކުރަން އުޅެނިކޮށް ހުއްޓުވައިފި

ތިނަދޫގައި އިމާރާތް ކުރި 200 ހައުސިން ޔުނިޓު ދޫކުރުން ކައުންސިލުން އިއުލާނުކުރީ ހައުސިން މިނިސްޓްރީގެ ހުއްދަ ނުނަގައި ކަމަށްވާތީ އެ އިއުލާނު ބާތިލް ކުރަން އަންގައިފި އެވެ. 

އިމާރާތް ކުރުމާއި ގެދޮރުވެރިކަމާ ބިނާރާ ބެހޭ މިނިސްޓްރީގެ ޑެޕިއުޓީ މިނިސްޓަރު އަހުމަދު ވިސާލް ތިނަދޫ ސިޓީގެ މޭޔަރު ސައުދު އަލީއަށް އެޑްރެސްކޮށް ފޮނުވާފައިވާ ސިޓީއެއްގައި ބުނީ ސަރުކާރުން އިމާރާތް ކުރާ ހައުސިން ޔުނިޓުތައް އެކި ފަރާތްތަކަށް ދޫކުރުމުގެ މަސައްކަތް ވިލަރެސް ކުރުމުގެ މަސައްކަތް އެ މިނިސްޓްރީގެ މެންޑޭޓުގައި ހިމަނާފައިވާ ކަމަށް ބުނެފައިވެ އެވެ. އެހެންކަމުން ރާއްޖޭގެ އެކި ސަރަހައްދުތަކުން ދޫކުރާ ހައުސިން ޔުނިޓުތައް ދޫކުރުން ކުރިއަޡށް ގެންދަންވާނީ އެ މިނިސްޓްރީން އެންޑޯސްކޮށް ހުއްދަދޭ އުސޫލުގެ މަތިން ކަމަށް ބުނެފައިވެ އެވެ. 

"މިރާ" އަށް ކޮޕީ ލިބިފައިވާ މި ސިޓީގައިވާ ގޮތުން ތިނަދޫގައި އިމާރާތް ކުރި 200 ހައުންސިން ޔުނިޓަކީ އެ މިނިސްޓްރީން އިމާރާތް ކުރި ތަންތަނަށް ވާތީ އެ ޔުނިޓުތައް ދޫކުރަން އިއުލާނު ކުރުމުގެ ކުރިން ހައުސިން ޔުނިޓުތައް ދެވޭނެ އުސޫލު ފައިނަލް ކުރުމާއި އެޕްލިކޭޝަން މަރުހަލާ ކުރިއަށް ގެންދަން ވާނީ އެ މިނިސްޓްރީގެ އިރުޝާދުގެ ދަށުން ކަމަށް ބުނެފައިވެ އެވެ.

"... ނަމަވެސް މިކަން މިގޮތަށް މިކަން އޮތްނަމަވެސް ތިނަދޫގައި މި ހައުސިން ޔުނިޓަށް ކުރިމަތިލުމަށް އެދި ކައުންސިލުން ހުޅުވާލާފައިވާކަން އެ މިނިސްޓްރީގެ ސަމާލުކަމަށް އައިސްފައިވާ ކަމަށް ބުނެފައިވެ އެވެ. އަދި މި ޔުނިޓަށް ކުރިމަތިލާން ކައުންސިލުން އިއުލާނު ކޮށްފައިވަނީ އެ މިިނިސްޓްރީގެ ހުއްދަނެތިކަން ފާހަގަކޮށްފައިވެ އެވެ. އެހެންކަމުން އެ އިއުލާނު ބާތިލް ކުރަން ވަނީ މިނިސްޓްރީން އެދިފަ އެވެ،" އެ މިނިސްޓްރީން ބުނެފައިވެ އެވެ.  

ހައުސިން މިނިސްޓްރީން ވަނީ ހައުސިން ޔުނީޓަށް ކުރިއަށްމަތިވާން ތިނަދޫ ކައުންސިލުގެ އިއުލާނު ކޮށްފައިވާ އިއުލާނު ބާތިލް ކުރަން އަންގާފަ އެވެ. އަދި މި ހައުސިން ޔުނިޓު ލިބޭ ފަރާތްތައް ހޯދުމަށް ބޭނުން ކުރާ އުސޫލު އެ މިނިސްޓްރީން އެޑޯސްކުރަން ކުރަން އެ މިނިސްޓްރީ އަށް ފޮނުވަން އެދިފައިވެ އެވެ. 

ހުވަދު އަތޮޅުގެ އެންމެ މީހުން ގިނަ ރަށް ކަމަށްވާ ގދ. ތިނަދޫގައި މި ފްލެޓުތައް އެޅުމުގެ މަސައްކަތަށް އިއުލާނުކުރީ 2022 ވަނަ އަހަރު އެވެ. ޑިޒައިން އެންޑް ބިލްޑް އުސޫލުން 200 ހައުސިން ޔުނިޓު ތަކަކީ ބޮޑުމިނުގައި 117.5 ހެކްޓަރު ހުރި ތިނަދޫގެ އާބާދީގައި 7،400 އަށް ހާއްސަކޮށް އިއުލާނުކުރި ފްލެޓް ތަކެކެވެ.