ރައީސް އިހަވަންދޫގައި؛ މިވަރުގެ މަރުހަބާއެއް މިރަށުން އަދި ނުކިޔާ
ވަރަށް ދިގުކޮށް އޮތް ކިއުގައި ކުދިބޮޑު ވަރަށް ގިނަ ބަޔަކު ތިއްބެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ހއ. އިހަވަންދޫން އެ ރަށުން މިހާތަނަށް ކީ އެންމެ ހޫނު މަރުހަބާ މިއަދު ކިޔައިފި އެވެ.
ތިލަންދުންމަތީ އުތުރުބުރީގެ 10 ރަަށަކަށް އިއްޔެ ފެއްޓެވި ތިން ދުވަހުގެ ދަތުރުފުޅުގައި ރައީސް މުއިއްޒު އިހަަވަންދޫއަށް ވަޑައިގެންނެވީ މިއަދު އަސުރު ވަގުތު އެވެ. މިއީ މިއަދުގެ ތިން ވަނަ މަންޒިލެވެ.
ރައީސް ދަތުރުފުޅު ކުރެއްވި ލޯންޗުކޮޅު އިހަވަންދޫ ގައި ބަނދަރުކުރި އިރު ވަރަށް ގިނަ އަދަދެއްގެ ރައްޔިތުން އެމަނިކުފާނަށް މަރުހަބާ ދެންނެވުމަށް ޖަމާވެފައިވެ އެވެ.
ވަރަށް ދިގުކޮށް އޮތް ކިއުގައި ކުދިބޮޑު ވަރަށް ގިނަ ބަޔަކު ތިއްބެވެ. ރައީސަކަށް މަރުހަބާ ދެންނެވުމަށް ވެސް އަދި އެ ނޫން ކަމަކާ ގުޅިގެން ވެސް އިހަވަންދޫން މިވަރުގެ މަރުހަބާއެއް އަދި ނުކިޔަ އެވެ.
ރައީސްގެ މި ދަތުރުފުޅުގައި އިހަވަންދޫ ރައްޔިތުންނާއި ބައްދަލު ކުރައްވާނެ އެވެ.
އިހަވަންދޫގެ ކުރީން ރައީސް ވަޑައިގެންނެވީ ތަކަންދޫ އާއި މާރަންދޫއަށެވެ. އެ ދެ ރަށުން ވެސް އެމަނިކުފާނަަށް މަރުހަބާ ދެންނެވުމަަށް ގިނަ ބަޔަކު ޖަމާވި އެވެ.
ކޮމެންޓް
Republic of Maldives