އިސްރާއިލްގެ މިނިސްޓަރު ހައްޔަރުކޮށްފާނެތީ ޔޫރަޕު ދަތުރު ކެންސަލްކޮށްފި
ކަލްޗަރަލް މިނިސްޓަރު ހައްޔަރު ކުރުމުގެ ބިރު އޮތް ކަމަށް އަންގާފައިވަނީ އިސްރާއިލްގެ ސެކިއުރިޓީ ކައުންސިލުންނެވެ.
އިސްރާއީލްގެ ކަލްޗަރަލް މިނިސްޓަރު އަމިޗައި ޗިކްލީ ޔޫރަޕަށް ކުރައްވަން ނިންމާފައިވާ ދަތުރުފުޅު ހައްޔަރުކޮށްފާނެކަމުގެ ބިރަށް ކެންސަލްކޮށްފި އެވެ.
އިސްރާއިލްގެ ނޫސްތަކުގައިވާ ގޮތުން އެ ގައުމުގެ ކަލްޗަރަލް ކަންކަމާ ބެހޭ މިނިސްޓަރު އަމިޗައި ޗިކްލީ ވަނީ އަންނަ ހޯމަ ދުވަހު ބެލްޖިއަމްގެ ބްރަސަލްސްއަށް ވަޑައިގަންނަވަން ޕްލޭން ކުރައްވާފަ އެވެ. ނަމަވެސް މިހާރު ވަނީ އެ ދަތުރު ކެންސަލްކޮށްފަ އެވެ. މީގެ ސަބަބެއް ކަމަށް ވަނީ އޭނާ ހައްޔަރު ކުރުމުގެ ބިރު އޮތުމެވެ.
އިސްރާއިލްގެ މިނިސްޓަރު ހައްޔަރުކުރުމުގެ ބިރު އޮތް ކަމަށް އޭނާއަށް އަންގާފައިވަނީ އެ ގައުމުގެ ނޭޝަނަލް ސެކިއުޓީ ކައުންސިލުންނެވެ.
ފަލަސްތީނުގެ ގާޒާއަށް އަރައިގަނެ ނަސްތު ނައްތާލުމަށް ހިންގި ޖަރީމާގެ ސަބަބުން އިންޓަނޭޝަނަލް ކްރިމިނަލް ކޯޓުން ވަނީ އިސްރާއިލްގެ ވެރިން ހައްޔަރު ކުރުމުގެ އަމުރެއް ނެރެފަ އެވެ. މިއާއެކު ޔޫރަޕުގެ ބައެއް ގައުމުތަކާއި ދުނިޔޭގެ ގިނަ ގައުމުތަކުން ވަނީ އިސްރާއިލްގެ ވެރިއަކު އެގައުމުތަކަށް ގޮސްފިނަމަ ހައްޔަރުކޮށް ކޯޓާ ހަވާލު ކުރާނެކަމަށް ބުނެފަ އެވެ.
ކޮމެންޓް
Republic of Maldives