ކޮކާކޯލާގައި ކެމިކަލްގެ މާއްދާއެއް، ޔޫރަޕުން ފިޔަވަޅު އަޅަނީ
ކޮކާކޯލާއިން ފެނިފައިވަނީ ކްލޮރޭޓް ކިޔާ ކެމިކަލް މާއްދާއެކެވެ. މި މާއްދާ ކޯކުގެ ގިނަ އުފެއްދުންތަކުން ފެނިފަައިވެ އެވެ.
ދުނިޔޭގެ އެންމެ މަޝްހޫރު އެއް ފިޒީ ޑްރިންކް ކަމަށްވާ ކޮކާކޯލާ އިން ކެމިކަލްގެ މާއްދާއެއް ފެނުމުން އެކަމަށް ރައްކާތެރިކަމުގެ ފިޔަވަޅު އަޅަން ފަށައިފި އެވެ.
ދުނިޔޭގެ ހަބަރު ފަތުރާ ބޮޑެތި ނޫސްތަކުގައިވާ ގޮތުން ކޮކާކޯލާއިން ފެނިފައިވަނީ ކްލޮރޭޓް ކިޔާ ކެމިކަލް މާއްދާއެކެވެ. އެ މާއްދާ ކޮކާކޯލާގައި "މަތީ މިންވަރަކަށް" ހުރިކަމަށް ވެ އެވެ. މި މާއްދާ ފެނިފައިވަނީ ޔޫރަޕުގެ ބައެއް ގައުމުތަކުގައި ވިއްކާ ކޮކާކޯލާގެ ވައްތަރުތަކުންނެވެ.
މި ކެމިކަލުން ލިބޭނެ ގެއްލުން - ކޮކާކޯލާ އިން ފެނިފައިވަނީ ކްލޮރޭޓް މާއްދާ އެވެ. މި މާގިނަ އިން ބޭނުންކުރުމުން އިންސާނުންގެ ހަށިގަނޑަށް ގެއްލުންވެ އެވެ. މި ގޮތުން މޭނު ބައިކުރުމާއި ހޮޑުލުން އަދި ބޭރަށް ހިންގުން އަދި ލޭގެ އޮކްސިޖަން ދަށްވުންވެސް ހިމެނެ އެވެ.
މި ކެމިކަލް މާއްދާ ފެނިފައިވަނީ ބެލްޖިއަމް ލަކްޒަމްބާގްގެ އިތުރުން ނެދަލެންޑްސް އާއި އަދި އިނގިރޭސިވިލާތުގައި ވިއްކާ ކޮކާކޯލާގެ ބުއިންތަކުންނެވެ.
މި ކެމިކަލް ފެނިފައިވާ ބުއިންތަކުގެ ތެރޭގައި ކޯކް އާއި ފަންޓާ އަދި ސްޕްރައިޓްގެ އިތުރުން ޓްރޮޕިކޯ އަދި މިނިޓް މެއިޑް ބްރޭންޑް ހިމެނެ އެވެ.
ކޮމެންޓް
Republic of Maldives