ހާމަކުރި ސިއްރު ލިޔުންތަކުން ފެންނަނީ އެމެރިކާ އެތެރޭގެ އަނދިރި ދައުލަތް

ރައީސް ޑޮނަލް ޓްރަމްޕް ވަނީ އެމެރިކާގެ ރައީސް ޖޯން އޮފް ކެނެޑީ (ޖޭއެފްކޭ) އާއި އޮބަޓް އެފް ކެނެޑީ އަދި މާޓިން ލޫދާ ކިންގް އަވަހާރަކޮށްލި ގޮތުގެ ތަހުގީގީ ލިޔުންތައް އާއްމު ކުރަން އަންގާފަ އެވެ. މި ލިޔުންތައް އާއްމު ވަމުންދާއިރު މީގެ ގިނަ ލިޔުންތަކުން ހާމަވެގެން ދަނީ އެމެރިކާގެ ތެރޭގައި އަނދިރި ދައުލަތް އޮތް މިންވަރެވެ. 

އެމެރިކާއިން އާއްމުކުރި ބައެއް ޑޮކިއުމެންޓްތަކުން އެނގޭ ގޮތުގައި އެ ގައުމުގެ ސިފައިން ވަނީ އަމިއްލަ ސިފައިން މެރުމުގެ އޮޕަރޭޝަންތަކެއް ވެސް ރާވާފަ އެވެ. މިގޮތުން މިފަދަ އެއް ހާދިސާއެއް ރާވާފައިވަނީ 1962 ވަނަ އަހަރު އެވެ. އޮޕަރޭޝަން "ނޯތުވުޑްސް" ގެ ނަމުގައި އެމެރިކާގެ ސީއައިއޭއިން ރޭވި މި ހަމަލާދޭން ނިންމާފައި އޮތީ ކިއުބާގެ ގުއަންޓަނާ މޯބޭގައި އޮތް އެމެރިކާގެ ކަނޑުގެ ސިފައިންގެ އުޅަނދެއް ސިފައިންނާއެކު ގޮއްވާލުމަށެވެ. މި ހަމަލާގެ ބޭނުމަކީ ހަމަލާއަށްފަހު އެކަމުގެ ތުހުމަތު ކިއުބާގެ ބޮލުގައި އަޅުވައި އެމެރިކާ ސިފައިން ކިއުބާށް އަރައިގަތުމެވެ. ނަމަވެސް ޖޯން އޮފް ކެނެޑީވަނީ އެ އޮޕަރޭޝަން ހިންގަން އެމެރިކާގެ ސިފައިންނަށް ހުއްދަ ދޭން އިންކާރު ކުރައްވާފަ އެވެ. އެހެންވެ އެ ހަމަލާ ދީފައެއް ނުވެ އެވެ. މީގެ އިތުރުން މި ލިޔުންތަކުން އެނގޭ ގޮތުގައި ޖޯން އޮފް ކެނެޑީ އަވަހާރަކޮށްލުމުގައި އިސްރާއިލްގެ އަތެއްވުންވެސް ގާތެވެ. 

އެމެރިކާގައި ފޮރުވާފައިވާ ސިއްރު ލިޔުންތައް ހާމަކުރަން ރައީސް ޓްރަމްޕް ނިންމެވިއިރު، އެމެރިކާގެ ކުރީގެ ރައީސް ޖޯން އޮފް ކެނެޑީ އަވަހާރަކޮށްލުމާ ގުޅިގެން އެ ގައުމުން ހިންގި ތަހުގީގުތަކުގެ ލިންތަކުގެ ތެރޭން ނޭޝަނަލް އާރކައިވްސް އެންޑް ރެކޯޑްސް އެޑްމިނިސްޓްރޭޝަނުން މިހާތަނަށް 99 ޕަސެންޓް ލިޔުމެއް މިހާރުވެސް ވަނީ އާއްމުކޮށްފަ އެވެ. އަދި ބާކީ 4،700 އަށްވުރެ ގިނަ ޑޮކިއުމެންޓް ހާމަނުކޮށް އެބަހުއްޓެވެ. 

ސިޔާސީ މި ތިން މަރަކީ އެމެރިކާގައި އެންމެ ގިނަ ކޮންސްޕިރަސީ ތިއަރީތައް ގިނަ މަރުތަކެވެ. ޑިމޮކްރެޓިކް ޕާޓީން އެ ގައުމުގެ ވެރިކަމަށް ވަޑަގެންނެވި ޖޯން އޮގް ކެނެޑީ އަވަހާރަކޮށްލީ 22، ނޮވެމްބަރު 1963 ގަ އެވެ. ޖޭއެފްކޭ އަވަހާރަކޮށްލީ ކާރުގައި ވަޑައިގަންނަވަނިކޮށް ދިން ހަމަލާއެއްގަ އެވެ. އެ ހަމަލާގައި ޖޭއެފްކޭގެ ބޮލަށް ތިން ފަހަރު ބަޑި ޖަހާފައިވެ އެވެ. އަދި އޭގެ ފަސް އަހަރުފަހުން ޖޯން އޮފް ކެނެޑީގެ ބޭބެ އަދި ޖޭއެފެކޭ އަވަހާރަކޮށްލިރު އެޓާނީ ޖެނެރަލްގެ މަގާމުގައި ހުންނެވި އަދި ފަހުން ޑިމޮކްރެޓިކް ޕާޓީގެ ފަރާތުން ނިއުޔޯކް ސެނެޓަރު މަގާމު އަދާކުރެއްވި ރޮބަަޓް އެފް ކެނެޑީ އަވަހާރަކޮށްލީ  5، ޖޫން 1968 ގައި ލޮސް އެންޖެލިސްގަައި ކެމްޕޭންއެއްގައި އުޅުއްވަނިކޮށެވެ. އަދި އެމެރިކާގެ ކަޅުނަސްލުގެ މީހުންގެ ހައްގުގައި ވަކާލާތު ކުރެއްވި މާޓިން ލޫދާ ކިންގް އަވަހާރަކޮށްލީ އޭޕްރީލް 4، 1968 ގައި ގައިކޮޅަށް ބަޑި ޖަހައިގެންނެވެ.