ސައޫދީން އެމެރިކާގައި 600 ބިލިއަން ޑޮލަރު އިންވެސްޓް ކުރަނީ

އެމެރިކާގެ އާ ސަރުކާރާ ގުޅުން ރަނގަޅު ކުރުމުގެ ގޮތުން ސައޫދީ އަރަބިއްޔާން އެމެރިކާގައި 600 ބިލިއަން ޑޮލަރު އިންވެސްޓް ކުރާނެކަން އިއުލާނުކޮށްފި އެވެ. 

ސައޫދީ ވަލީއަހުދު މުހައްމަދު ބިން ސަލްމާން އާއި އެމެރިކާގެ ރައީސް ޑޮނަލް ޓްރަމްޕް ފޯނުން ގުޅުއްވައި ދެއްވި ޔަގީންކަމަކީ ސައޫދީ އަރަބިއްޔާއިން އެމެރިކާގައި ކުރާ އިންވެސްޓްމަންޓްތައް ބޮޑުތަނުން އިތުރު ކުރައްވާނެ ކަމެވެ. މިގޮތުން 600 ބިލިއަން ޑޮލަރުގެ އިންވެސްޓްމަންޓް ސައޫދީ އަރަބިއްޔާއިން ކުރިއަށް އޮތް ހަތަރު އަހަރުތެރޭގައި ކުރާނެކަމުގެ ޔަގީންކަން ވަނީ މުހައްމަދު ރަސްގެފާނު ދެއްވާފަ އެވެ. 

ދެ ލީޑަރުންގެ މެދުގައި ކުރެއްވި ފޯނުކޯލެއްގައި ވަލީއަހުދު ވިދާޅުވެފައިވާ ގޮތުގައި ޓްރަމްޕުގެ ޒައާމަތުގައި "ކުރިން ނުފެންނަ އިގްތިސާދީ ގުޅުމެއް" ދެ ގައުމުގެ މެދުގައި އުފެދިގެންދާނެ އެވެ. 

ފޮރިން މިނިސްޓްރީގެ ބަޔާނުގައިވާ ގޮތުން ބިން ސަލްމާން ވަނީ ޓްރަމްޕް ވައިޓް ހައުސްއަށް އެނބުރި ވަޑައިގަތުމުން މަރުހަބާ ކިޔައި، ފޯނު ކޯލްގެ ތެރޭގައި އޭނާގެ ބައްޕަ ސަލްމާން ރަސްގެފާނުގެ ފަރާތުން ތަހުނިޔާ ފޮނުއްވާފަ އެވެ.

ރައީސް ޓްރަމްޕު ވަނީ ޓްރަމްޕުގެ ފުރަތަމަ ދައުރުގައި ސައުދީ އަރަބިއްޔާ ހިމެނޭ ގޮތަށް ގަލްފްގެ ގައުމުތަކާ ގާތް ގުޅުން ތަކެއް ގާއިމްކޮށްފަ އެވެ. އެގޮތުން ޓްރަމްޕް މަގާމުން ވަކިވުމަށްފަހު ޓްރަމްޕްގެ ޅީދަރިފުޅުގެ ކުންފުނިން ވަނީ ދެ ބިލިއަން ޑޮލަރު އިންވެސްޓްކޮށްފައިވެ އެވެ.