ކޮންގްރެސް އިމާރާތް ހިފި މީހުންނަށް ރައީސް ޓްރަމްޕު އަފޫއާމު ދެއްވައިފި

އެމެރިކާގެ ރައީސްކަމުގެ މަގާމަށް ހަވާލު ވަޑައިގަތް ރައީސް ޑޮނަލްޑް ޓްރަމްޕު ފުރަތަމަ ނެރުއްވި ރިޔާސީ އެއް ގަރާރަކީ 2021 ވަނަ އަހަރު އެމެރިކާގެ ރައްޔިތުން މަޖިލީސް ނުވަތަ ކޮންގްރެސްގެ އިމާރާތުގެ ތެރެއަށް ވަދަގަނެ އެތަން ހިފި ޓްރަމްޕުގެ ސަޕޯޓަރުން ޖަލުން މިނިވަން ކުރުމެވެ. 

އެމެރިކާގެ ތާރީހުގައި ކަޅު ދުވަހެއްގެ ގޮތުގައި ތާރީހުންގެ ފެންނަ އޮތް މި ދުވަހު އެމެރިކާގެ ކެޕިޓަލް ހިލް އިމާރާތާއި ކޮންގްރެސް ހުންނަ އިމާރާތައް 6 ޖެނުއަރީ 2021 ވަނަ އަހަރު ޓްރަމްޕުގެ ސަޕޯޓް ކުރާ އެތައް ހާސް ބަޔަރު ވަދަގަނެ އެތަނުގައި ތިބި ގިނަ ބަޔަކު "ހަވަރަށް" ދިނެވެ. އެމީހުން މި އިމާރާތައް އަރައިގަތީ ހަތިޔާރުވެސް ހިފައިގެންނެވެ. މިކަމުގެ ސަބަބުން ބައެއް މީހުންގެ ފުރާނަ ގެއްލިގެން ދިޔައިރު ބައެއް ކޮންގްރެސްމަނުނަށް އަމިއްލަ ޖާނައިގެން ސަލާމަތްވީ ކިރިޔާ އެވެ. 

ހާދިސާއާ އިމާރާތައް ވަދެގަނެ ގެއްލުންދީ ހެދިކަމަށް ތުހުމަތު ކުރެވޭ  1،580 އަށް ވުރެ ގިނަ މީހުންގެ މައްޗަށް ދައުވާ އުފުލާފައިވެ އެވެ. އަދި މީގެ ތެރޭން ގާތްގަނޑަކަށް 1،270 މީހުންގެ މައްޗަށް ކުށް ސާބިތުވި އެވެ. ނަމަވެސް ޓްރަމްޕް ކެމްޕޭން ތެރޭގައިވަނީ މި ހަމަލާއާ ގުޅުން ހުރި ކުށެއްގެ ދައުވާ އުފުލާފައިވާ ގާތްގަނޑަކަށް ކޮންމެ މީހަކަށް މައާފު ލިބޭނެ އެ ދުވަހުގެ ހުރިހާ މީހުން މިނިވަން ކުރާނެ ކަމަށެވެ. މިކަން ކުރަން އެމެރިކާއިން ތައްޔާރު ވަމުންދާއިރު މި މީހުން ދޫކޮށްލާނެ ވަގުތަކަށް ޖަލުތަކުގެ ކުރިމައްޗަށް އެމީހުންގެ އާއިލާތައް ވަނީ ޖަމާވަމުންނެވެ. ނަމަވެސް މި މީހުން ދޫކޮށްލުމަކީ ބައެއް ފަރާތްތަކުން ބުނާ ގޮތައި ނުރައްކާތެރި ކަމެވެ. އަދި މި ހާދިސާގައި އަނިޔާވި އެމެރިކާގެ ފުލުހުންވެސް ވަނީ ރައީސް ޓްރަމްޕުގެ މި ނިންމެވުމަކީ ގައުމަށް ވެދޭ ހިޔާނާތެއްގެ ގޮތުގައި ސިފަ ކުރައްވާފަ އެވެ. 

ރައީސް ޓްރަމްޕް ވަނީ މީގެ އިތުރުން ވެސް ބައެއް ނިންމެވުންތަކެއް ނިންމަވާފަ އެވެ. މިގޮތުން ފަލަސްތީނުގެ ހިފާފައިވާ ބިންތަކުގައި ގަދަކަމުން ވަޒަންވެރިވެގެން ތިބި ޖަހޫދީންއަށް ބައިޑަންގެ ސަރުކާރުން އަޅާފައިވާ ހަރުކަށި ބައެއް ނިންމެވުންތައް އަނބުރާ ގެނައުން ވެސް ހިމެނެ އެވެ. ބައިޑަން މިގޮތަށް ނިންމަވާފައިވަނީ ހުޅަނދު އައްސޭރީގައި ގަދަކަމުން ވަޒަންވެރި ކުރުވާފައިވާ ޔަހޫންދީންގެ ފަލަސްތީނުގެ ރައްޔިތުންނަށް ދޭ ހަމަލާތައް އިތުރުވުމާ ގުޅިގެންނެވެ. ނަމަވެސް ޓްރަމްޕުގެ މި ނިންމެވުމާއެކު ފަލަސްތީނުގެ އާއްމުންގެ މުދަލަށް ދޭ ހަމަލާތައް އިތުރުވެގެންދާނެ އެވެ.