ބަދަލުކުރި ވަޒީރުންނަށް މަޖިލީހުން ރުހުން ދީފި

މިނިސްޓްރީ އޮފް ހައުސިން، ލޭންޑް އެންޑް އާބަން ޑިވެލޮޕްމެންޓު އުވައިލައްވައި، ވަޒީރުންގެ މަޖިލީހުގެ ޕޯޓްފޯލިއޯތަކަށް ބޮޑެތި ބަދަލުތަކެއް ގެނެސްފައިވާތީ ރައްޔިތުންގެ މަޖިލީހުގެ ރުހުން ހޯދަން ފޮނުއްވި ހަތަރު ވަޒީރުންނަށް ރުހުން ދިނުމަށް ފާސްކޮށްފި އެވެ.

ހައުސިން މިނިސްޓްރީ އުވައިލެއްވުމަށްފަހު މިދިޔަ ޑިސެމްބަރު 26 ވަނަ ދުވަހު ރައީސް ޑރ. މުހައްމަދު މުއިއްޒު ވަނީ އެ މިނިސްޓްރީގެ ދަށުން ކުރަމުން އައި ބައެއް މަސައްކަތްތައް އެހެނިހެން މިނިސްޓްރީތަކުގެ ދަށަށް ބަދަލުކުރައްވައި، އެ މިނިސްޓްރީތަކުގެ ޕޯޓްފޯލިއޯތަކަށް ބަދަލުގެންނަވާފަ އެވެ.

އެގޮތުން ހައުސިން މިނިސްޓްރީގެ ދަށުން ހިނގަމުން އައި ޕްލޭނިންގެ މަސައްކަތްތައް މިނިސްޓްރީގެ އޮފް ފިނޭންސްގެ ދަށަށް ބަދަލުކުރައްވާފައިވެ އެވެ. މި ބަދަލާއެކު ފިނޭންސް މިނިސްޓްރީގެ ނަން މިނިސްޓްރީ އޮފް ފިނޭންސް އެންޑް ޕްލޭނިންއަށް ބަދަލުކުރައްވާފައިވެ އެވެ.

އޭގެ އިތުރުން، އުވައިލެއްވި މިނިސްޓްރީގެ ދަށުން ކުރަމުންއައި ގެދޮރުވެރިކަމާ ގުޅުންހުރި މަސައްކަތްތައް ކޮންސްޓްރަކްޝަން މިނިސްޓްރީގެ ދަށަށް ބަދަލުކުރައްވައި އެ މިނިސްޓްރީގެ ނަން މިނިސްޓްރީ އޮފް ހައާ އެޑިއުކޭޝަން ސްކިލްސް ޑިވެލޮޕްމެންޓު އެންޑް ލޭބާއަށް ވަނީ ބަދަލުކުރައްވާފަ އެވެ.

ރައީސް ކެބިނެޓަށް ގެންނެވި ބަދަލުތަކާ ގުޅިގެން ރުހުން ހޯދަން މަޖިލީހަށް ފޮނުއްވާފައިވާ ހަތަރު ވަޒީރުންނަކީ؛

ދައުރުން ބޭރުން މިއަދު ބޭއްވި ދެ ވަނަ ޖަލްސާގައި މިނިސްޓަރު ޒަމާރަށް ރުހުން ދީފައި ވަނީ 69 މެންބަރުންގެ ވޯޓުންނެވެ. މިނިސްޓަރު މާރިޔާ އަދި މުއްތަލިބަށް ރުހުން ދީފައި ވަނީ 70 މެންބަރުންގެ ވޯޓުންނެވެ. މިނިސްޓަރު ހައިދަރަށް ރުހުން ދީފައި ވަނީ 63 މެންބަރުންގެ ވޯޓުންނެވެ. ރުހުންދޭން ނުފެންނަ ކަމަށް ހަ މެންބަރުން ވަނީ ވޯޓު ދީފަ އެވެ.

މީގެ ކުރިން ވެސް ކެބިނެޓަށް ބަދަލު ގެނައުމާ ގުޅިގެން މަޖިލީހުން ވަނީ ބައެއް ވަޒީރުންނަށް ރުހުން ދީފަ އެވެ.