އެންމެފަހު ވަގުތު ހަނގުރާމަ ހުއްޓާލަން އިޒްރޭލުން ބޮޑާހާގައި އުޒުރު ދައްކަނީ
ހަރުކަށި ބޮޑު ވަޒީރު ހަތަންޔާހޫ ވަނީ އިޒްރާއިލް ސިފައިންނަށް ގާޒާއިން ފޭބުން ލަސްކުރަން އެންމެ ފަހު ވަގުތު އަމުރުކޮށްފަ އެވެ.
ހަނގުރާމަ ހުއްޓާލަން ހަމާސްއާއެކު ވެފައިވާ އެއްބަސްވުމަށް އަމަލު ކުރަން ސުންގަނޑިއަށް ވެފައިވަނިކޮށް އިޒްރޭލުން ބޮޑާ ހާކައި އުޒުޒު ދައްކަން ފަށައިފި އެވެ.
އިޒްރާއިލުން ފަލަސްތީނުގައި މިދިޔަ އަހަރުގެ އޮކްޓޫބަރު ހަތް ވަނަ ދުވަހުން ފެށިގެން ހިންގަމުން ދިޔަ ނަސްލު ނައްތާލުމުގެ ޖަރީމާތައް ހުއްޓާލަން އިޒްރާއިލަށް ވަނީ މަޖުބޫރުވެފަ އެވެ.
ހަމާސްގެ ހަނގުރާމަވެރިންނާއި ފަލަސްތީނު ރައްޔިތުންގެ ހިތްވަރަށް ހެތް ނުކުރެވުމާއި އެމެރިކާގެ އާ ރައީސް ޓްރަމްޕުގެ ވައުދު ފުއްދަން ވީ ވައުދު ފުއްދުމަށް ފެށި މަސައްކަތްތަކާއެކު އިޒްރޭއިލް ވަނީ ގޮތް ހުސްވެފަ އެވެ.
ހަނގުރާމަ ހުއްޓާލަން ގަތަރާއި މިސްރު އަދި އެހެން ގައުމުތައް މެދުވެރިވެގެންވީ އެއްބަސްވުމަށް އަމަލު ކުރަން ނިންމާފައި އޮތީ ރާއްޖެ ގަނޑިން މިއަދު ހެނދުނު 11:00 ގަ އެވެ. ނަމަވެސް އެންމެ ފަހު ވަގުތު އިޒްރޭލުގެ ހަރުކަށި އިންސާނިއްޔަތުކަމެއް ނެތް ބޮޑު ވަޒީރު ބެންޖަމިން ނަތަންޔާހޫ ވަނީ އިޒްރޭލް ސިފައިންނަށް ފޭބުން ލަސް ކުރަން އަމުރުކޮށްފަ އެވެ. މީގެ ސަބަބެއްގެ ގޮތުގައި ނަތަންޔާހޫ ވިދާވެފައިވަނީ ހަމާސް އިން އިޒްރާއިލްގެ ރަހީނުންގެ ލިސްޓު ނުދެ އެވެ. ހަމާސްއިން ބުނެފައިވަނީ ލިސްޓު ދިނުން ލަސްވަނީ ޓެކްނިކަލް މައްސަލަ ތަކެއްގެ ސަބަބުންނެވެ.
އިޒްރާއިލުން ވަނީ ހަނގުރާމަ ހުއްޓާލުމުގެ އެންމެ ފަހު މަރުހަލާ ފެށިގެން ދާއިރުވެސް ގާޒާއަށް ހަމަލާ ދެމުންނެވެ. އެގޮތުން ފަލަސްތީނުގެ ފޮތި ޓެންޓުތަކަށް ބާރުގަދަ ބޮން އަޅަމުންދެ އެވެ. މީގެ ސަބަބުން އިއްޔެވެސް 70 އަށްވުރެ ގިނަ ފަލަސްތީނު ރައްޔިތުން ވަނީ ޝަހީދުވެފަ އެވެ.
ކޮމެންޓް
Republic of Maldives