ޑިސެމްބަރ މަހުގެ އާމްދަނީގެ ގޮތުގައި މީރާއަށް 2.33 ބިލިއަން ރުފިޔާ

ޑިސެމްބަރު މަހުގެ އާމްދަނީގެ ތެރޭގައި 112.75 މިލިއަން އެމެރިކާ ޑޮލަރު ހިމެނޭކަމަށްވެސް މީރާއިން ބުނެއެވެ.

ޓެކްސް ކަލެކްޓް ކުރާ މީރާގެ މައި އިދާރާ

ނިމިދިޔަ އަހަރުގެ ޑިސެމްބަރު މަހުގެ އާމްދަނީގެ ގޮތުގައި މީރާއަށް 2.33 ބިލިއަން ރުފިޔާ ލިބިފައިވާކަމަށް އެއިދާރާއިން ހާމަކޮށްފިއެވެ. މީރާއިން މިކަން ހާމަކޮށްފައިވަނީ ބުރާސްފަތި ދުވަހު ނެރުނު ބަޔާނެއްގައެވެ

މީރާއިން ބުނެފައިވަނީ މިއަދަދަކީ 2023 ވަނަ އަހަރުގެ މިމުއްދަތާ އަޅާބަލާއިރު %4.7 ގެ އިތުރުވުމެއް ކަމަށާއި ޑިސެމްބަރު މަހު ލިބޭނެކަމަށް ލަފާކުރި އާމްދަނީއަށްވުރެ %20.1 އިތުރު އަދަދެއް ކަމަށެވެ. މިކަމުގެ ސަބަބެއްކަމަށް އެއިދާރާއިން ބުނެފައިވަނީ ޖީއެސްޓީ، ގްރީން ޓެކްސް އަދި ކޯޕަރޭޓް ސޯޝަލް ރެސްޕޮންސިބިލިޓީ ފީގެ ގޮތުގައި ލިބުނު އާމްދަނީ އިތުރުވުމެވެ. 

މީގެ ތެރެއިންވެސް އެންމެ ބޮޑު ހިއްސާއެއް އަދާކޮށްފައިވަނީ ޖުމުލަ އާމްދަނީގެ %57.34 ނުވަތަ 1.33 ބިލިއަން ރުފިޔާއާއެކު ޖީއެސްޓީގެ ގޮތުގައި ލިބުނު އާމްދަނީއެވެ. މީގެ އިތުރުން ގްރީން ޓެކުހުގެ ގޮތުގައި އާމްދަނީގެ %4.7 ނުވަތަ 109.46 މިލިއަން ރުފިޔާ ލިބިފައިވާއިރު އާމްދަނީން ނަގާ ޓެކުހުގެ ގޮތުގައި % 5.0 ނުވަތަ 116.16 މިލިއަން ރުފިޔާ ލިބިފައިވާ ކަމަށްވެސް މީރާއިން ބުނެއެވެ.  

މީގެ އިތުރުން މިދިޔަ މަހު ރާއްޖެއަށް ފަތުރުވެރިން ޒިޔާރަތްކުރާނެކަމަށް ލަފާކުރެވުނު އަދަދަށްވުރެ %5.7 އިތުރަށް ފަތުރުވެރިން ޒިޔާރަތްކުރުމުން ފަތުރުވެރިކަމާ ގުޅިފައިވާ އާމްދަނީ އިތުރުވުންވެސް މިކަމުގެ ސަބަބެއްގެ ގޮތުގައި މީރާއިން ހާމަކޮށްފައިވެއެވެ. 

އެގޮތުން ޓޫރިޒަމް ލޭންޑް ރެންޓުގެ ގޮތުގައި %16.25 ނުވަތަ 378.55 މިލިއަން ރުފިޔާ ލިބިފައިވާއިރު އެއަރޕޯޓް ޑިވެލޮޕްމަންޓް ފީގެ ގޮތުގައި 4.1% ނުވަތަ 95.39 މިލިއަން ރުފިޔާ ލިބިފައިވާއިރު ޑިޕާޗަރ ޓެކުހުގެ ގޮތުގައި %4.0 ނުވަތަ 93.93 މިލިއަން ރުފިޔާ ލިބިފައިވާކަމަށް މީރާއިން ބުނެއެވެ.

ޑިސެމްބަރު މަހުގެ އާމްދަނީގެ ތެރޭގައި 112.75 މިލިއަން އެމެރިކާ ޑޮލަރު ހިމެނޭކަމަށްވެސް މީރާއިން ބުނެއެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.