މިދިޔަ އަހަރު ޓެކުހުގެ އާމްދަނީ | ކުރީ އަހަރަށްވުރެ އިތުރު

މިދިޔަ އަހަރު ލިބޭނެ ކަމަށް ކުރިން އަންދާޒާ ކުރިވަރަށްވުރެ ޓެކުހުން ލިބުނު އާމްދަނީ އިތުރުވި ކަމަށް ދައްކައިފި އެވެ. 

ފިނޭންސް މިނިސްޓްރީން ނެރޭ ހަފުތާގެ މާލީ ރިޕޯޓް ދައްކާ ގޮތުން މިދިޔަ ޑިސެމްބަރު މަހުގެ 26 ވަނަ ދުވަހުގެ ނިޔަލަށް ޓެކުހުން އާމްދަނީގެ ގޮތުގައި ލިބިފައިވަނީ 25,5 ބިލިއަން ރުފިޔާ އެވެ. އަދި 2023  މިއީ މިދިޔަ އަހަރަށްވުރެ އާމްދަނީ އިތުރުވުމެކެވެ. 

މިދިޔަ އަހަރުގެ ނިޔަލަށް ލިބޭނެ ކަމަށް ބަޖެޓުގައި އަންދާޒާކޮށްފައިވަނީ 25.7 ބިލިއަން ރުފިޔާ އެވެ. މިދިޔަ ޑިސެމްބަރު މަހުގެ 26 ވަނަ ދުވަހުގެ ނިޔަލަށް ޓެކުހުން އާމްދަނީގެ ގޮތުގައި ލިބިފައިވަނީ 25,5 ބިލިއަން ރުފިޔާ އެވެ. އެހެންވެ ބެލެވެނީ މިދިޔަ އަންދާޒާ ކުރި ވަރަށްވުރެ ޓެކުހުގެ އާމްދަނީ އިތުރުވުން ގާތެވެ. 

ޓެކުހުގެ އާމްދަނީގެ ތެރޭން އެންމެ ބޮޑު އިތުރުވުމެއް އައިސްފައިވަނީ ޓޫރިޒަމް ޖީއެސްޓީ އާއި ގްރީން ޓެކްސް އަދި ޑިޕާޗާ ޓެކުހުންނެވެ. މިދިޔަ އަހަރު ޓެކްސް ރޭޓް 16 އިން 17 ޕަސެންޓަށް މަތިކުރި ޓީޖީއެސްޓީން 2023 ވަނަ އަހަރު 8.4 ބިލިއަން ރުފިޔާ ލިބުނުނަމަވެސް މިދިޔަ ޑިސެމްބަރު 16 ވަނަ ދުވަހުގެ ނިޔަލަށް މި އަދަދު ވަނީ 9.1 ބިލިއަން ރުފިޔާއަށް އިތުރުވެފަ އެވެ. އަދި ގްރީން ޓެކުހުން މިދިޔަ އަހަރު އެއް ބިލިއަން ރުފިޔާ ލިބުނުއިރު ކުރީ އަހަރު ލިބިފައިވަނީ 976.6 މިލިއަން މިލިއަން ރުފިޔާ އެވެ. އަދި މިދިޔަ އަހަރު ޓެކްސް ރޭޓް މަތިކުރި ޑިޕާޗާ ޓެކުހުން 26 ވަނަ ދުވަހުގެ ނިޔަލަށް 1.1 ބިލިއަން ރުފިޔާ ވަނީ ލިބިފަ އެވެ. ނަމަވެސް މިދިޔަ އަހަރު މި ޓެކުހުން ލިބުނީ 961.2 ބިލިއަން ރުފިޔާ އެވެ. 

ޓެކުހުގެ އާމްދަނީ އިތުރުވިއިރު ޖުމްލަ އާމްދަނީވެސް މިދިޔަ އަހަރަށްވުރެ ވަނީ އިތުރުވެފަ އެވެ. މިދިޔަ މަހުގެ 26 ވަނަ ދުވަހާ ހަމައަށް 33.6 ބިލިއަން ރުފިޔާ ވަނީ އާމްދަނީގެ ގޮތުގައި ލިބިފަ އެވެ. 

މި އަހަރުގެ ބަޖެޓަކީ 56.6 ބިލިއަން ރުފިޔާގެ ބަޖެޓެކެވެ. މި ބަޖެޓުގައި ހިލޭ އެހީއާއި އާމްދަނީގެ ގޮތުގައި 39.7 ބިލިއަން ރުފިޔާ ލިބޭނެކަމަށް އަންދާޒާކޮށްފައިވެ އެވެ. އެއީ ހިލޭ އެހީގެ ގޮތުގައި ލިބޭނެކަމަށް އަންދާޒާކުރާ 2.5 ބިލިއަން ރުފިޔާއާއި، އާމްދަނީގެ ގޮތުގައި ލިބޭނެކަމަށް އަންދާޒާކުރާ 37.2 ބިލިއަން ރުފިޔާ އެވެ. ޖުމްލަ އާމްދަނީީއާއި ހިލޭ އެހީގެ ގޮތުގައި 39.7 ބިލިއަން ރުފިޔާ ލިބޭނެކަމަށް އަންދާޒާކުރާއިރު ދައުލަތުގެ ހަރަދުތަކަށް ހިނގާނެކަމަށް ލަފާކުރަނީ 49.2 ބިލިއަން ރުފިޔާ އެވެ. އެއިން 35.8 ބިލިއަން ރުފިޔާއަކީ ރިކަރަންޓު ހަރަދުތަކެވެ. އަދި ކެޕިޓަލް ހަރަދުގެ ގޮތުގައި 13.4 ބިލިއަން ރުފިޔާ ހަރަދުވާނެކަމަށް ލަފާކޮށްފައިވެ އެވެ. އެއިން 12.4 ބިލިއަން ރުފިޔާއަކީ ޕީއެސްއައިޕީ މަޝްރޫއުތަކަށް ހިނގާނެކަމަށް ބެލެވޭ ހަރަދެވެ. އަދި މި އަހަރު ބަޖެޓުގެ ޖުމްލަ ޑެފިސިޓަކީ 9.4 ބިލިއަން ރުފިޔާ އެވެ. އަދި ދަރަނި އަދާކުރުމުގެ ހަރަދުތައް ނުހިމަނައި އާމްދަނީއާއި ހަރަދުގެ ފަރަގު ނުވަތަ ޕްރައިމަރީ ޑެފިސިޓުގެ ގޮތުގައި ލަފާކޮށްފައިވަނީ 3.9 ބިލިއަން ރުފިޔާ އެވެ.