އިންޑިޔާގެ ހާރިޖީ ވުޒާރާއިން ބުނި ގޮތުގައި އިންޑިޔާގެ ގާނޫނު ހަދާ މަޖިލީހުގެ ރައީސްގެ ދައުވަތަކަށް އަބްދުއްރަހީމް ކުރައްވާ ދަތުރުފުޅު ރޭވިފައި އޮތީ އަންނަ އަހަރުގެ ފެބްރުއަރީ މަހުގެ 10 ވަނަ ދުވަހުން އެ މަހުގެ 14 ވަނަ ދުވަހަށެވެ.
ރައްޔިތުންގެ މަަޖިލީހުގެ ރައީސް އަބްދުއްރަހީމް އަބްދުﷲއާއި ބަރުލަމާނުގެ ވަފުދެއް އިންޑިޔާއަށް ޒިޔާރަތްކުރައްވަން ހަމަޖެހިފައިވާކަމަށް އެ ގައުމުން ބުނެފި އެވެ.
އިންޑިޔާގެ ހާރިޖީވުޒާރާގެ ސްޓޭޓް މިނިސްޓަރު ޕްބިޓްރާ މާގެރިޓާ ލިޔުމުން އިންޑިޔާގެ ގާނޫނު ހަދަ މަޖިލީހަށް ފޮނުއްވި ސިޓީއެއްގައި ވިދާޅުވެފައިވަނީ އަންނަ އަހަރުގެ ފެބްރުއަރީ 10 ވަނަ ދުވަހުން 14 ވަނަ ދުވަހުގެ ނިޔަލަށް އަބްދުއްރަހީމް އިންޑިޔާއަށް ދަތުރުފުޅެއް ކުރައްވަން ހަމަޖެހިފައިވާ ކަމަށެވެ.
އެއީ އިންޑިޔާ ސަރުކާރުގެ "ނެއިބާހުޑް ފަސްޓް" ޕޮލިސީގެ ދަށުން އަވައްޓެރި ގައުމުތަކާއެކު ޕާލިމަންޓަރީ އެކްސްޗޭންޖު ޕްރޮގުރާމުތަކެއް އިންތިޒާމުކޮށް ހިންގަމުންދޭތޯ ބެލުމަށް ލޮކް ސަބާއިން އެދުމުން ދެއްވި ޖަވާބެއްގަ އެވެ.
އެ ސިޓީގައި ފާހަގަކުރެއްވި ގޮތުގައި މަޖިލީހުގެ ރައީސްއާއި މަޖިލީހުގެ ވަފުދެއް އަންނަ ފެބްރުއަރީ މަހު އިންޑިޔާއަށް ކުރައްވާ ދަތުރުފުޅަކީ އެ ގައުމުގެ ގާނޫނު ހަދާ މަޖިލީހުގެ ރައީސްގެ ދައުވަތަކަށް ކުރައްވާ ދަތުރުފުޅެކެވެ.
މިއީ މަޖިލީހުގެ ރިޔާސަތާ ހަވާލުވެވަޑައިގެންނެވި ފަހުން އަބްދުއްރަހީމް އިންޑިޔާއަށް ކުރައްވާ ފުރަތަމަަ ދަތުރުފުޅެވެ. މީގެ ކުރިން މަޖިލީހުގެ ރައީސްގެ ހައިސިއްޔަތުން ޗައިނާއަށް އަދި ޖެނީވާއަށް އަބްދުއްރަހީމްވަނީ ދަތުރުކުރައްވާފަަ އެވެ.
މިހާތަނަށް މި ދަތުރުފުޅާ ގުޅޭ އިތުރު އެއްވެސް ތަފުސީލެއް ރަައްޔިތުންގެ މަޖިލީހުން ހާމަނުކުރެ އެވެ. އަބްދުއްރަހީމުގެ މި ދަތުރުފުޅު ފެބްރުއަރީ މަހަށް ހަމަޖެހިފައިވާއިރު އަންނަ އަހަރު މަޖިލީހުގެ ޖަލްސާތައް ފައްޓާނީވެސް ފެބްރުއަރީ މަހު އެވެ.