ޕްރޮގްރާމް ކުރުކޮށްލީ ފަންނީ މައްސަލައެއްގެ ސަބަބުން: ޕީއެސްއެމް

މަސީގެ ބޯޑް މެންބަރު ޝާކިރު ދެއްކެވީ އިމާރާތް ކުރުމުގެ ދާއިރާގެ މައްސަލަތަކުގެ ވާހަކަ އެވެ. އެ ވާހަކަ މަސީން ދައްކާތާ 15 ވަރަކަށް އަހަރު ވަނީ ވެފަ އެވެ.

ޕީއެސްއެމް

ރާއްޖޭގެ އިމާރާތް ކުރުމުގެ ދާއިރާގެ ޖަމިއްޔާއާގެ ވާހަކަ ދެެއްކި "ރާއްޖެމިއަދު" ޕްރޮގްރާމް ކުރުކޮށްލީ ފަންނީ މައްސަލައެއްގެ ސަބަބުން ކަމަށް ޓީވީއެމްއިން ބުނެފި އެވެ. 

ގައުމީ ޓީވީއިން ކޮންމެ ރެއަކު ކުރިއަށް ގެންދާ "ރާއްޖެމިއަދު" ޕްރޮގްގްރާމްގައި ރޭ މައުލޫމާތު ދެއްވީ މަސީގެ ފަރާތުންނެވެ. 

އެ ޖަމިއްޔާގެ ފަރާތުން ވާހަކަ ދެއްކެވީ އެ ޖަމިއްޔާގެ ބޯޑު މެންބަރު މުހައްމަދު ޝާކިރު އެވެ. މި ޕްރޮގްރާމްއަކީ އާއްމުކޮށް އެ ގަޑިއިރަށް ކުރިއަށް ގެންދާ ޕްރޮގްރާމެއްނަމަވެސް ރޭގެ ޕްރޮގްރާމްވަނީ 23 މިނެޓު ގެނެސް ދިނުމަށްފަހު ހުއްޓާލާފަ އެވެ. 

މިގޮތަށް ޕްރޮގްރާމް ހުއްޓާލުމާއެކު ބައެއް ފަރާތްތަކުން / ބައެއް މީޑިއާ ވަސީލަތްތަކުން ވަނީ އިމާރާތް ކުރުމުގެ ދާއިރާގައި ހުރި މައްސަލަތަކާ ސަރުކާރުގެ އިހުމާލުތަކާ ބެހޭ ގޮތުން ވާހަކަ ދެއްކުމުން ޕްރޮގްރާމް ހުއްޓާލީ ކަމަށް ތުހުމަތުކޮށްފަ އެވެ. 

ނަމަވެސް، މި ވާހަކަ ޕީއެސްއެމްއިން ދޮގު ކުރެ އެވެ. 

ޕީއެސްއެމްއިން މިއަދު ވާހަކަ ދެއްކެވި އިސްވެރިއަކު ވިދާޅުވީ ޕްރޮގްރާމް ބެލިކޮންމެ މީހަކަށް ޓެކްނިކަލް މައްސަލަ ތަކެއް ޖެހެމުން ދިޔަކަން ފާހަގަވާނެ އެވެ. އެ ޕްރޮގްރާމް ކުރުކޮށްލަން ޖެހުނީ އެ ސަބަބުތަކުގެ ސަބަބުން ކަމަށް އޭނާ ވިދާޅުވި އެވެ. 

"ބައެއް ވަގުތުތައް ދިޔަ ލޯގޯ ގެއްލުނު ވެސް. ސިސްޓަމެއް ސްޓަކް ވެގެން އެކަން ހައްލު ކުރަން ވަރަށް މަސައްކަތްކޮށް ނުވެގެން މެދުކަނޑާލީ. އެހެން އެއްވެސް ސަބަބެއް އޮވެގެންނެއް ނޫން،" އޮފިޝަލް ވިދާޅުވި އެވެ. 

މި ޕްރޮގްރާމުގައި ބޯޑު މެންބަރު މުހައްމަދު ޝާކިރު ވަނީ އިމާރާތް ކުރުމުގެ ދާއިރާގައި ހުރި ގިނަ މައްސަލަތަކާ ބެހޭ ގޮތުން ވާހަކަ ދައްކަވާފަ އެވެ. މިގޮތުން ކުންފުނިތަކަށް ފައިސާ ލިބުމުގައި ހުރި މައްސަތަކާއި އިމާރާތް ކުރުމުގެ ދާއިރާގައި ކުދި އަދި މެދުފަންތީގެ ކުންފުނިތަކަށް މަސައްކަތް ލިބުމުގައި ހުރި ދަތިތައްވެސް ހިމެނެ އެވެ. އަދި ބޭރުގެ ބޮޑެތި މަޝްރޫއުތަކަށް ބޭރުގެ ކުންފުނިތަކުން މަސައްކަތް ކުރުން ފަދަ މައްސަލަތައްވެސް ހިމެނެ އެވެ. 

އެމްއެންއޭސީއައިއިން އިފޮޕްކާގެ ބައްދަލުވުމުގައި ބައިވެރިވި -- މަސީ

"ހަމަ ޔަގީނުން ވެސް މޫދު ކޮޓަރި ދިވެހިން އަޅާ. ނަމޫނާ ދައްކާ. މިއީ ދިވެހިން ކުރާކަމެއް. އެހެންވެ ދިވެއްސެއް ނުވަތަ ދިވެހި ޖޮއިންޓް ޗެންޗާއެއް މެދުވެރި ވެގެން ކުރެވެންވާނީ. ދިވެހިން ހިމާޔަތް ކޮށްދޭން ޖެހޭ،" ޝާކިރު ވިދާޅުވި އެވެ. 

މަސީ އިން ދަނީ ކޮންސްޓްރަކްޝަން ސިނާއަތުގައި ހުރި މައްސަލަތަކާ ބެހޭ ގޮތުން ވާހަކަ ދައްކަމުންނެވެ. މިގޮތުން ކޮންޓްރެކްޓަރުންނަށް ފައިސާ ލިބުން ލަސްވުމާއި އިމާރާތް ކުރުމުގެ ދާއިރާގެ އެއްބަސްވުންތަކުގައި މައްސަލަ ހުރުންފަދަ ގިނަ މައްސަލަތައް ފާހަގަކުރާތާ 15 ވަރަކަށް އަހަރު ވެއްޖެ އެވެ. 

އިމާރާތް ކުރުމުގެ ދާއިރާ - ރާއްޖޭގެ އިމާރާތް ކުރުމުގެ ދާއިރާއަކީ ގައުމުގެ ޖީޑީޕީގައި މުހިންމު ހިއްސާއެއް އަދާ ކުރާ ބައެކެވެ. ނަމަވެސް މި ސިނާއަތް ރަނގަޅަށް ރެގިއުލޭޓްކޮށް ނުބެލެހެއްޓުމުގެ ސަބަބުން ސިނާއަތުގެ ފައިދާ ދިވެހިންނަށް ލިބެމެކުން ނުދެ އެވެ. މި ސިނާއަތުގައި މަސައްކަތް ކުރާ ގިނަ މީހުންނަކީ ވެސް ބިދޭސީންނެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.